Facebook​ ​បាន​ដាក់​ឲ្យ​ដំណើរ​ការ​ភ្លាម​ៗ​ ​​នូវ​មុខ​ងារ​ ​បញ្ជាក់​តំបន់​សុវត្ថិភាព​ ​(Safety Check​) ​សម្រាប់​អ្នក​ប្រើប្រាស់​ក្នុង​ទីក្រុង​ ​Nice​ ​ក្រោយ​ព្រឹត្តិការណ៍​វាយ​ប្រហារ​ភេរវកម្ម​ ​កាលពីរាត្រីថ្ងៃ១៤ កក្កដា ២០១៦​ ​ដែល​ឆក់​យក​ជីវិត​មនុស្ស​ ​៨០នាក់​ ​(តួ​លេខ​ជំហាន​ដំបូង)។

ការ​ដាក់​ដំណើរ​ការ​មុខងារ​នេះ​ ​គឺ​ជា​លើក​ទី​ ​២​ ​ហើយ​សម្រាប់​ប្រទេស​បារាំង​ ​ក្នុង​រយៈពេល​ ​តែ​ ​៨​ ​ខែ​ប៉ុណ្ណោះ​ ​ដោយ​កាល​លើក​មុន​ ​គឺ​ក្នុង​ព្រឹត្តិការណ៍​បាញ់​ប្រហារ​ក្នុង​ទីក្រុង​ប៉ារីស។

គូស​បញ្ជាក់​ផង​ដែរ​ថា​ ​Safety Check ​ជា​មុខងារ​ពិសេស​របស់​ ​Facebook​ ​ដែល​ជួយ​ឲ្យ​អ្នក​ប្រើប្រាស់​ ​ដែល​ស្ថិត​ក្នុង​តំបន់​មាន​គ្រោះ​ថ្នាក់​អាច​ ​ប្រាប់​ពី​ស្ថានភាព​ ​សុវត្ថិភាព​របស់​ពួក​គេ​ ​ហើយ​មក​ដល់​ពេល​នេះ​ ​មុខងារ​ ​Safety Check​ ​ត្រូវ​បាន​ដាក់​ឲ្យ​ដំណើរ​ការ​ ​២៣ដង​ ​ពាសពេញ​ពិភពលោក។

អាន​បន្ត​ ​៖​ ចង់​បាន Lexus RX មួយ​ទឹក គួរ​ទិញ​ចាប់​ពី​ស៊េរី​ឆ្នាំ​ ២០០០ ឡើង

ប្រែ​សម្រួល ​៖​ ​រដ្ឋ ប្រភព​ ​៖​ ​vocativ