ខេត្តកំពត៖ សិស្សត្រៀមប្រលងបាក់ឌុប សម្រុកកក់ផ្ទះសំណាក់

2016-08-11 16:00:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រឡងសញ្ញាប័ត្រមធ្យមសិក្សាទុតិយភូមិ ឬបាក់ឌុបកាន់តែខិតជិតដល់មែនទែនហើយ។ ចំណែកសិស្សានុសិស្សដែលជាបេក្ខជនប្រឡងក៏បានទៅកក់បន្ទប់ស្នាក់នៅហើយផងដែរ។

សូមចុចអាន៖ ១៧ថ្ងៃទៀតប្រលងបាក់ឌុប តែផ្ទះសំណាក់ចាប់ផ្ដើមណែនបណ្ដើរៗ

ទាក់ទងនឹងការកក់បន្ទប់នេះ អ្នកនាង លីណា ជាអ្នកទទួលភ្ញៀវប្រចាំផ្ទះសំណាក់ អារុណ រស្មី ដែលមានអាសយដ្ឋាននៅភូមិសុវណ្ណសាគរ សង្កាត់កំពង់កណ្ដាល ក្នុងក្រុងកំពត ជាប់ខាងលិចអនុវិទ្យាល័យកំពតក្រុង បានប្រាប់ Sabayថា ផ្ទះសំណាក់អារុណរស្មី ត្រូវបានសិស្សានុសិស្សកក់ពេញ ១០០% អស់ហើយ។

"រាល់ឆ្នាំឲ្យតែចូលដល់ ខែសីហា ផ្ទះសំណាក់ខ្ញុំ ដឹងតែពេញ។ បើនិយាយពីការកក់បន្ទប់នេះ សិស្សចាប់ផ្ដើមកក់តាំងពីខែ ឧសភាមកម្ល៉េះ។"

ចំពោះតម្លៃវិញ លីណា បានប្រាប់ដោយស្មោះត្រង់ថា បើនិយាយពីតម្លៃអាចឡើងថ្លៃពី ១ដុល្លារ ទៅ២ដុល្លារដែរ តែវាសមរម្យមិនបានឡើងហួសហេតុទេ ដោយសារនៅថ្ងៃប្រឡងហ្នឹង គាត់ (សិស្ស) មកស្នាក់មានគ្នាច្រើន ជួនកាលបន្ទប់គ្រែមួយគាត់ស្នាក់នៅអាចដល់ទៅបួននាក់ គ្រែពីអាចពី ៧ទៅ ៨នាក់។ នេះជាអនុគ្រោះមួយពួកគាត់។ ប្រភពដដែលក៏បានបញ្ជាក់ថា បន្ទប់គ្រែ១ថ្លៃ ៨ដុល្លារ និង គ្រែ២ថ្លៃ ១០ដុល្លារ ឯបន្ទប់ម៉ាស៊ីនត្រជាក់គឺ 15ដុល្លារ និង ២០ដុល្លារ។

ងាកទៅផ្ទះសំណាក់នីនី ដែលស្ថិតក្នុងភូមិ១ឧសភា ក្នុងសង្កាត់កំពង់កណ្ដាល ក្បែររង្វង់មូលស្រែអំបិលវិញ អ្នកនាង ថាវី ជាអ្នកទទួលភ្ញៀវប្រចាំផ្ទះសំណាក់នេះ បានប្រាប់ថា មកដល់ថ្ងៃនេះ ផ្ទះសំណាក់ នីនី បានទទួលការកក់ចំនួនប្រហែល ៧០%ហើយ។ តួលេខនេះ គឺ៨០% ដែលផ្ដល់ជូនដល់សិស្ស និង ២០%ទៀតសម្រាប់ភ្ញៀវផ្សេងទៀត បើប្រៀបធៀបទៅនឹងឆ្នាំទៅមិញ។

បើនិយាយពីការកក់វិញ ថាវី ប្រាប់ថា “សិស្សានុសិស្សគាត់កក់មុន១ខែ... រីឯតម្លៃវិញ គឺមិនបានដំឡើងថ្លៃទេ គឺ 6ដុល្លារ បន្ទប់គ្រែ១ និង 8ដុល្លារ សម្រាប់គ្រែ២ និង 13ដុល្លារ និង 15ដុល្លារ សម្រាប់បន្ទប់ម៉ាស៊ីនត្រជាក់។ ទោះជាយ៉ាងណាបន្ទប់គ្រែ១ អាចសម្រាប់មនុស្ស ២ឬ ៣នាក់ ។ ចុះសិស្សានុសិស្សយើងមានកក់បន្ទប់រួច ហើយនៅ? តម្លៃប៉ុន្មានដែរ?

អត្ថបទ៖ គីមសាយ

ចង់ក្លាយជាអ្នកកាសែតមហាជន សូមទំនាក់ទំនងតាមលេខ៖ ០៩៩ ៥៨៨ ៨៨០