អូបាម៉ា លុបកិច្ចប្រជុំជាមួយប្រធានាធិបតីហ្វីលីពីន ក្រោយរងការប្រមាថ
- 2016-09-06 15:30:53
- ចំនួនមតិ 0 | ចំនួនចែករំលែក 0
អូបាម៉ា លុបកិច្ចប្រជុំជាមួយប្រធានាធិបតីហ្វីលីពីន ក្រោយរងការប្រមាថ
ចន្លោះមិនឃើញ
ប្រធានាធិបតីអាមេរិកជិតផុតអាណត្តិបារ៉ាក់ អូបាម៉ា បានលុបជំនួបប្រជុំលើកដំបូងជាមួយប្រធានាធិបតីហ្វីលីពីន Rodrigo Duterte បន្ទាប់ពីលោក Duterte បានពិពណ៌នាលោកជាមួយពាក្យអសុរសមុនកិច្ចប្រជុំ។ នេះបើតាមអ្នកនាំពាក្យសេតវិមានបានប្រាប់ឲ្យដឹងនៅថ្ងៃអង្គារនេះ។
អូបាម៉ា ត្រូវបានស្វាគមន៍នៅព្រលានយន្តហោះអន្តរជាតិ Wattay ទីក្រុងវៀងច័ន្ទ ប្រទេសឡាវ ថ្ងៃទី ៥កញ្ញា ២០១៦
លោក Duterte ជាប្រធានាធិបតីទើបឡើងកាន់អំណាចតែងតែប្រកាសធ្វើសង្គ្រាមជាមួយក្រុមជួញដូរគ្រឿងញៀន និងបានបញ្ជាឲ្យបាញ់សម្លាប់ឆៅៗ លើឧក្រិដ្ឋជនរាប់ពាន់នាក់ត្រឹមរយៈពេលពីរបីខែចុងក្រោយនេះ។ លោកបានហៅលោកអូបាម៉ា ថាជា «កូនសំផឹង» ឬ Son of a bitch ទៅកាន់អ្នកយកព័ត៌មានកាលពីថ្ងៃច័ន្ទម្សិលមិញ គឺមុនមួយថ្ងៃនៃកិច្ចប្រជុំតាមការគ្រោងទុកនៅប្រទេសឡាវ ដែលមេដឹកនាំអាស៊ីអាគ្នេយ៍ទាំងអស់នឹងបើកកិច្ចប្រជុំកំពូលប្រចាំឆ្នាំ។
ការជេរប្រមាថបែបនេះ កើតមានក្រោយមន្ត្រីពីសេតវិមានបានឲ្យដឹងថាលោក អូបាម៉ា នឹងមកជួបតទល់នឹងលោក Duterte ដើម្បីពិភាក្សាគ្នារឿងចំណាត់ការរបស់លោកលើឈ្មួញគ្រឿងញៀន រួមទាំងការសម្លាប់ក្រៅតុលាការផង។
“តើគេគិតថាខ្លួនគេជាអ្នកណា? ខ្ញុំមិនមែនអាយ៉ងរបស់អាមេរិកទេ។ ខ្ញុំគឺជាប្រធានាធិបតីរបស់ប្រទេសដែលមានអធិបតេយ្យភាព ហើយខ្ញុំគ្មាននាទីឆ្លើយតបចំពោះអ្នកណាក្រៅពីជនជាតិហ្វីលីពីនឡើយ … កូនស្រីសំផឹង! ខ្ញុំជេរអ្នកឯងអីចឹង"។ លោក Durterte និយាយចំអកប្រធានាធិបតីអាមេរិក។
ក្រោយរងពាក្យគ្រោតគ្រាតដោយមិនចង់ឲ្យអាមេរិកនិយាយពីបញ្ហាសិទ្ធិមនុស្សនៅហ្វីលីពីន លោកអូបាម៉ា បានសម្រេចជួបប្រជុំជាមួយប្រធានាធិបតីកូរ៉េខាងត្បូងប៉ាក់ ហ្គឺនហេ ដោយពិភាក្សាអំពីការតេស្តមីស៊ីលជាបន្តបន្ទាប់របស់កូរ៉េខាងជើងវិញ៕
ប្រធានាធិបតីហ្វីលីពីន Rodrigo Duterte
ប្រែសម្រួល៖ ឡេង ភារុណ ផ្តល់សិទ្ធិដោយ៖ Reuters
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
