សិស្សស្រីសាច់សខ្ចី ដាក់លក់ដេញថ្លៃព្រហ្មចារីយ៍លើអនឡាញ យកប្រាក់បង់ថ្លៃសិក្សា
- 2016-09-29 16:46:06
- ចំនួនមតិ 0 | ចំនួនចែករំលែក 0
សិស្សស្រីសាច់សខ្ចី ដាក់លក់ដេញថ្លៃព្រហ្មចារីយ៍លើអនឡាញ យកប្រាក់បង់ថ្លៃសិក្សា
ចន្លោះមិនឃើញ
សិស្សស្រីវ័យក្មេង មានសម្រស់ស្រស់ស្អាតម្នាក់ ដែលមិនធ្លាប់ឆ្លងកាត់ការរួមភេទពីមុនមក កំពុងដាក់លក់ដេញថ្លៃព្រហ្មចារីយ៍របស់នាង ដើម្បីបានប្រាក់បង់ថ្លៃសិក្សានៅក្រៅប្រទេស។
នាង Ariana អាយុ២០ឆ្នាំ មកពីប្រទេសរុស្ស៊ី កំពុងដាក់លក់ដេញថ្លៃព្រហ្មចារីយ៍របស់នាង នៅលើគេហទំព័រមួយ ជាមួយនឹងតម្លៃចាប់ផ្តើម ១៥០ ០០០ផោន (ប្រហែល ១៧០ ០០០ដុល្លារ)។
នាង Ariana
នាង Ariana បានពន្យល់អំពីការសម្រេចចិត្តមួយនេះថា «សិស្សជាច្រើនបានជួប និងត្រូវដោះស្រាយបញ្ហាជាច្រើន ក្នុងអំឡុងពេលសិក្សា។ អ្នកត្រូវទៅរកការងារធ្វើ ដើម្បីបានប្រាក់បង់ថ្លៃសិក្សារបស់អ្នក។ ខ្ញុំចង់ផ្លាស់ទៅរៀនប្រទេសដទៃទៀត សម្រាប់ជំនាញពេទ្យ។ ថ្លៃសិក្សានៅសកលវិទ្យាល័យ និងជួលផ្ទះ នឹងមានតម្លៃថ្លៃ។ ខ្ញុំបានស្រមើស្រមៃថា ការរស់នៅឯប្រទេសដទៃ នឹងមានការលំបាកខ្លាំង ដូច្នេះខ្ញុំត្រូវតែបំបាត់បន្ទុកហិរញ្ញវត្ថុចេញ ដើម្បីអាចផ្ដោតទៅលើការសិក្សាជំនាញពេទ្យរបស់ខ្ញុំ»។
នាង Ariana មិនបានគិតថា ការប្តូរខ្លួនប្រាណបែបនេះ ខុសនឹងសីលធម៌ឡើយ។ «វាគឺជាវិធីងាយស្រួលបំផុត ដើម្បីរកប្រាក់ ក្នុងរយៈពេលខ្លី។ ខ្ញុំជាមនុស្សស្រីឯករាជ្យ ហើយអាចធ្វើអ្វីដែលខ្ញុំចង់ធ្វើ។ ខ្ញុំបានគិតយ៉ាងយូរ និងពិបាកសម្រេចថាត្រូវធ្វើបែបនេះខ្លាំងណាស់»។ នាងបាននិយាយយ៉ាងដូច្នេះ។
នាង Ariana បានបន្ថែមទៀតថា «ខ្ញុំបានសង្ឃឹមជាយូរណាស់មកហើយ ក្នុងការស្វែងរកស្នេហាដ៏អស្ចារ្យរបស់ខ្ញុំ ប៉ុន្តែវាមិនបានផលសោះ។ ចុះហេតុអ្វីខ្ញុំត្រូវរង់ចាំទៀត? ហើយហេតុអ្វីខ្ញុំត្រូវលះបង់ព្រហ្មចារីយ៍ ទៅឲ្យមនុស្សប្រុសដែលអាចធ្វើឲ្យខ្ញុំខូចចិត្តនៅពេលក្រោយ?»។
គួរបញ្ជាក់ថា នាង Ariana ក៏បានស្វែងរកជំនួយពីក្រុមគ្រួសារដែរ ប៉ុន្តែឪពុកម្តាយរបស់នាងមិនមានលទ្ធភាព ហើយប្រទេសរុស្ស៊ីមិនមានផ្តល់អាហារូបករណ៍ឲ្យសិស្ស ទៅសិក្សានៅក្រៅប្រទេសទៀត ទើបធ្វើឲ្យនាងសម្រេចចិត្តធ្វើបែបនេះតែម្តង៕
ប្រែសម្រួល ៖ សេង ឡុង
ប្រភព ៖ Dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
