ភ្ញាក់ផ្អើល! កញ្ញាឯកកម្ពុជាលេខ១ឆ្នាំ២០១៦ ឈ្នះពានដល់ទៅ៥ម្នាក់ឯង
- 2016-10-15 23:54:45
- ចំនួនមតិ 0 | ចំនួនចែករំលែក 0
ភ្ញាក់ផ្អើល! កញ្ញាឯកកម្ពុជាលេខ១ឆ្នាំ២០១៦ ឈ្នះពានដល់ទៅ៥ម្នាក់ឯង
ចន្លោះមិនឃើញ
ពិតជារំភើបភ្ញាក់ផ្អើលនឹកស្មានមិនដល់សម្រាប់កញ្ញា ប៊ី សុធារី ដែលបានក្លាយជាកញ្ញាឯកកម្ពុជាលេខ១ គ្រងមកុដប្រចាំឆ្នាំ២០១៦ និងថែមទាំងឈ្នះពានរង្វាន់ចំនួន៥ផ្សេងទៀតកាលពីយប់មិញនេះ ។ ពានរង្វាន់ទាំង៥ ដែលកញ្ញាអាយុ១៨ឆ្នាំ នៅភ្នំពេញ និងជាសិស្សវិទ្យាល័យជាស៊ីមជ្រោយចង្វាថ្នាក់ទី១២ បានឈ្នះរួមមាន ១. កញ្ញាឯកសក់ស្អាតជាងគេ ២.កញ្ញាឯកគ្រងឈុតប្រពៃណីខ្មែរស្អាតជាងគេ ៣. កញ្ញាឯកគ្រងឈុតពិធីជប់លៀងស្អាតជាងគេ ៤.កញ្ញាឯកគ្រងឈុតរាត្រីស្រមោលសស្អាតជាងគេ និង ៥.ពានកញ្ញាឯកគ្រងឈុតរ៉ូបប្រពៃណីខ្មែរស្អាតជាងគេ។
សូមមើលរូបរបស់កញ្ញាឯកគ្រងមកុដលេខ១ប្រចាំឆ្នាំ២០១៦ ថាស្អាតកម្រិតណាបានជាអាចឈ្នះពានច្រើនដល់ម្លឹង
កញ្ញា សុធារី បានរៀបរាប់ឲ្យដឹងថា កញ្ញាជាកូនទី៣ក្នុងចំណោមបងប្អូន៤នាក់ក្នុងគ្រួសារដែលមានឱពុកម្ដាយ និងបងៗសុទ្ធតែជាទាហានជើងទឹក ។
បន្ទាប់ពីក្លាយជាម្ចាស់ជយលាភីលេខមួយ កញ្ញា ប៊ី សុធារី នឹងតំណាងប្រទេសកម្ពុជាចូលរួមប្រកួតក្នុងកម្មវិធីបវរកញ្ញាអន្តរជាតិ ។ ក្រៅពីបានក្លាយជាម្ចាស់មកុដដ៏មានតម្លៃច្នៃម៉ូដជាពិសេសដោយក្រុមហ៊ុន W.S Stone កញ្ញា សុធារីព្រមទាំងម្ចាស់ជយលាភីចំណាត់ថ្នាក់លេខ២ លេខ៣ លេខ៤ និង លេខ៥ ទទួលបានរង្វាន់ជាច្រើនទៀត ដែលរង្វាន់ធំៗ ដូចជា ៖
- ទឹកប្រាក់សុទ្ធសរុប២ម៉ឺនដុល្លារសហរដ្ឋអាមេរិក - កិច្ចសន្យាការងារជាមួយក្រុមហ៊ុន ARISE AGENCY - ប័ណ្ណស្នាក់នៅឥតគិតថ្លៃរបស់សណ្ឋាគារ NAGAWORLD - សំបុត្រយន្តហោះអាកាសចរណ៍ BASSAKA - សំលៀកបំពាក់ទំនើបទាន់សម័យពី Mugigea Cambodia - ស្បែកជើងពី Charles& Keith - ផលិតផលថែរក្សាសម្រស់ពី Pond និង Unilever។
កម្មវិធី ប្រលងកញ្ញាឯកកម្ពុជានេះបានប្រព្រឹត្តទៅយ៉ាងឱឡារិកចាប់ពីម៉ោង ៧ រហូតដល់ម៉ោង ១១យប់ នៅ សណ្ឋាគារNagaworld ដែលមានការអញ្ជើញចូលរួមពីភ្ញៀវជាតិ និង អន្តរជាតិយ៉ាងច្រើន ពិសេសគឺ វត្តមាន អគ្គរដ្ឋទូតប្រទេសហ្វីលីពីនប្រចាំនៅកម្ពុជា តំណាងក្រសួងទេសចរ ក្រសួងវប្បធម៌ និងវិចិត្រសិល្បៈ ទូរទស្សន៍បាយ័ន ទូរទស្សន៍អប្សរា ក្រុមហ៊ុនអាកាសចរណ៍Bassaka Air បវរកញ្ញាហ្វីលីពីនចំណាត់ថ្នាក់លេខ៥ បវរកញ្ញាEarth កម្ពុជាឆ្នាំ២០០៥ និង អ្នកមុខអ្នកការជាច្រើនរូបទៀត ។