ដើមកំណើតរថយន្ត Range Rover

2016-10-30 19:22:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Range Rover គឺជាប្រភេទរថយន្តប្រណិត ខ្នាតធំដែលដំណើរការដោយកង់ទាំងបួន (four-wheel drive) ប្រភេទ sport utility vehicle (SUV) ផលិតដោយក្រុមហ៊ុនផលិតរថយន្តដ៏ល្បីរបស់អង់គ្លេសដែលមានឈ្មោះថា Land Rover។ តែក្រោយមកបានលក់ក្រុមហ៊ុនទាំងមូលទៅឲ្យក្រុមហ៊ុនផលិតរថយន្ត ឥណ្ឌាឈ្មោះថា Tata Motors នៅថ្ងៃទី ២៦ មិនា ឆ្នាំ ២០០៨។ រថយន្តប្រណិតនេះចេញលក់ដំបូងក្នុងឆ្នាំ ១៩៧០ និងបានចេញលក់ជាបន្តបន្ទាប់ពីជំនាន់ទី១រហូតដល់ជំនាន់ទី៤ មានឈ្មោះថា Range Rover (L405)។

Range Rover គឺជារថយន្តម៉ាកល្បីដែលមានតម្លៃខ្ពស់ស្ថិតក្រោមការគ្រប់គ្រងនិង ផលិតដោយយកចិត្តទុកដាក់ពីសំណាក់ក្រុមហ៊ុន Land Rover និងបានបែងចែក brand ពីរធំៗបន្ថែមទៀតគឺ Range Rover Evoque និង Range Rover Sport។

ប្រវត្តិ៖

ក្នុងឆ្នាំ ១៩៦៧ គំរូរថយន្ត Range Rover ដំបូងបំផុតបានលេចចេញជារូបរាងឡើងជាមួយនឹងរូបរាងបែបសាមញ្ញរួម ជាមួយរូបសណ្ឋានចម្រឹងដែកខាងមុខដែលប្លែកពីរថយន្តម៉ាកផ្សេងៗហើយ ផ្សំជាមួយចង្កៀងមុខរាងមូល។ ការឌីហ្សាញរូបរាង រថយន្ត Range Rover ដំបូងនេះត្រូវបានបញ្ចប់ជាស្ថាពរក្នុងឆ្នាំ ១៩៦៩។
Range Rover ដំបូងបំផុតនេះបានបង្ហាញខ្លួនឲ្យសាធារណៈជនឃើញក្នុងឆ្នាំ ១៩៧០។ ដើមឆ្នាំដដែលនេះសារមន្ទីរធំជាងគេលំដាប់ពិភពលោករបស់បារាំងដែល មានទីតាំងនៅទីក្រុងប៉ារីសឈ្មោះថា Musée du Louvre បានជ្រើសរើសយករថយន្តដំបូងនេះទៅដាក់តាំងពិព័រណ៍នៅក្នុងសារមន្ទីរ របស់ខ្លួនដើម្បីបង្ហាញពីស្នាដៃគំរូនៃឧស្សាហកម្មនៃការច្នៃម៉ូត ដែលអាចហៅជាភាសាអង់គ្លេសថា “exemplary work of industrial design”។
មុនឆ្នាំ ១៩៨៧ រថយន្តគ្រប់ម៉ាកដែលផលិតដោយក្រុមហ៊ុន Land Rover មានដាក់លក់នៅក្នុងសហរដ្ឋអាមេរិកតែមួយគត់តាមរយៈទីផ្សារដោះដូរមួយ ឈ្មោះថា grey market បន្ទាប់មកក្រុមហ៊ុនអង់គ្លេសមួយនេះបានចាប់ផ្ដើមដាក់លក់ Range Rover ជាផ្លូវការនៅក្នុងសហរដ្ឋអាមេរិកនៅថ្ងៃទី១៦ ខែ មិនា ឆ្នាំ ១៩៨៧។
ចាប់តាំងពីឆ្នាំ ១៩៨៧ រហូតដល់ ១៩៩៣ កេរ្តិ៍ឈ្មោះរបស់ Range Rover ទទួលបានការចាប់អារម្មណ៍និងល្បីរន្ទឺក្នុងទីផ្សាររថយន្តរបស់ អាមេរិកព្រោះ Range Rover គឺជារថយន្តតែមួយគត់ដែលក្រុមហ៊ុន Land Rover បញ្ចេញលក់នៅក្នុងទីផ្សារអាមេរិក។
ឈានចូលដល់ឆ្នាំ ១៩៩៣ បន្ទាប់ពីទទួលបានភាពជោគជ័យលើការដាក់លក់ Range Rover នៅទីផ្សារអាមេរិក ក្រុមហ៊ុន Lange Rover បាននាំយករថយន្តម៉ាកថ្មីរបស់ខ្លួនចំនួនពីរស៊េរីទៀតគឺ Defender 110 និង Land Rover Discovery ដើម្បីវាយលុកទីផ្សាររថយន្តអាមេរិកស្ថិតក្រោមស្លាកសញ្ញា “Land Rover North America”។
ក្នុងឆ្នាំ ២០០៥ Land Rover បានចេញលក់ brandរថយន្ត Range Rover ថ្មីមួយទៀតឈ្មោះថា Range Rover Sport ដែលយកគំរូតាមរថយន្ត Land Rover Discovery។
បន្ទាប់មកឆ្នាំ ២០១១ Land Rover បានបង្ហាញ brand រថយន្ត Range Rover ស៊េរីចុងក្រោយមួយទៀតដែលមានឈ្មោះថា Range Rover Evoque។ ជំនាន់របស់ Range Rover៖

Range Rover ជំនាន់ទី ១

- Range Rover ជំនាន់ទីមួយមានឈ្មោះថា Range Rover Classic (១៩៧០-១៩៩៦)

Range Rover ជំនាន់ទីមួយផលិតក្នុងចន្លោះឆ្នាំ ១៩៧០ និង ១៩៩៦ ជារថយន្តប្រភេទ Classic មានរូបរាងស្រដៀងនឹងឡាន Jeep Wagoneer របស់អាមេរិក។ រថយន្តដដែលនេះបានបំពាក់មកជាមួយម៉ាស៊ីនប្រភេទ Rover V8 ជាមួយកម្លាំងម៉ាស៊ីន 135 hp។ - Range Rover ជំនាន់ទីពីរឈ្មោះថា Range Rover (P38A) (១៩៩៤-២០០២)

Range Rover ជំនាន់ទី ២

Range Rover ជំនាន់ទីពីរបានបង្ហាញខ្លួនក្នុងឆ្នាំ ១៩៩៥ ជាមួយនឹងកំណែរូបរាងថ្មីព្រមជាមួយនឹងការ update ម៉ាស៊ីន Rover V8ថ្មីដើម្បីប្រកួតប្រជែងទីផ្សាររថយន្តប្រភេទ SUV។ រថយន្តជំនាន់ទីពីរនេះគឺជារថយន្តដំបូងបំផុតរបស់ក្រុមហ៊ុន Range Rover ដែលបានភ្ជាប់មកជាមួយប្រព័ន្ធ Diesel injection ព្រមជាមួយនឹងការគ្រប់គ្រងនិងបញ្ជាបែបអេឡិចត្រូនិក។

- Range Rover ជំនាន់ទីបីឈ្មោះថា Range Rover (L322) (២០០២-២០១៣)

Range Rover ជំនាន់ទី ៣

Range Rover ជំនាន់ទីបីបានបង្ហាញខ្លួនក្នុងឆ្នាំ ២០០២ ស្ថិតក្រោមគម្រោងសហការផលិតជាមួយក្រុមហ៊ុនផលិតរថយន្ត BMWរបស់អាល្លឺម៉ង់ដើម្បីចែករំលែកសមាសធាតុផ្សំនិងប្រព័ន្ធ អេឡិចត្រូនិកពីរថយន្ត BMW ម៉ាក 7 Series។ រថយន្តជំនាន់ទីបីនេះបានបំពាក់មកជាមួយម៉ាស៊ីន M62 V8 របស់ BMW ព្រមជាមួយនឹងការផ្លាស់ប្ដូរប្រព័ន្ធចាស់ៗដែលប្រើដោយដៃទៅប្រើ ដោយស្វ័យប្រវត្តិទាំងអស់។

- Range Rover ជំនាន់ទីបួនឈ្មោះថា Range Rover (L405)

Range Rover ជំនាន់ទី ៤

ឈ្មោះរបស់ Range Rover ជំនាន់ចុងក្រោយនេះបានបង្ហាញខ្លួននៅលើគេហទំព័រ Land Rover ក្នុងខែសីហា ឆ្នាំ ២០១២ កន្លងទៅថ្មីៗនេះ តែក្រុមហ៊ុនមិនបានបង្ហាញរូបនិងព័ត៌មានលម្អិតពីរថយន្តស៊េរីចុង ក្រោយនេះនៅឡើយទេព្រោះលក្ខណសម្បត្តិនិងរូបរាងពិតនឹងបង្ហាញនៅ ក្នុងពិព័រណ៍ Paris Motor Show នាខែ កញ្ញា ឆ្នាំ២០១២ ខាងមុខនេះ។

ក្រៅ ពី Range Rover ទាំងបួនជំនាន់ខាងលើនេះ ក្រុមហ៊ុន Land Rover បានផលិតនិងចេញលក់ brand Range Rover ចំនួនពីរបន្ថែមទៀតគឺ៖

Range Rover Sport

- Range Rover Sport ៖ ក្រុមហ៊ុន Land Rover បានបង្ហាញរូបភាពដំបូងរបស់ Range Rover Sport នៅថ្ងៃទី ២៦ ខែវិច្ឆិកា ឆ្នាំ ២០០៤។ បន្ទាប់មកក្រុមហ៊ុនបានយករថយន្តស៊េរីថ្មីនេះទៅដាក់តាំងបង្ហាញ ជូនសាធារណជនលើកទីមួយនៅពិព័រណ៍ North American International Auto Show ក្នុងឆ្នាំ ២០០៥។ រថយន្តដដែលនេះបានចេញលក់ជាផ្លូវការកាលពីចុងឆ្នាំ ២០០៥ តែក្រុមហ៊ុនបានចាត់រថយន្តនេះចូលក្នុងស៊េរីឆ្នាំ ២០០៦។ - Range Rover Evoque៖ ក្រុមហ៊ុន Land Rover បានផលិតរថយន្តស៊េរីក្រោយនេះក្នុងខែ កក្កដា ឆ្នាំ២០១១ ដោយយកតាមគំរូរថយន្ត Land Rover LRX (ជាគំរូរថយន្តដែលមិនទាន់ចេញលក់)។ រថយន្តស៊េរីក្រោយនេះបានបែងចែកជាច្រើនប្រភេទសម្រាប់ឲ្យអតិថិជន ជ្រើសរើសដូចជា៖ Evoque ទ្វារបី ឬ Evoque ទ្វារប្រាំ, វិលកង់មុខពីរ ឬវិលកង់ទាំងបួន និងម៉ាស៊ីនturbocharged ចំណុះ ២លីត្រ ឬម៉ាស៊ីន turbo-diesel ចំណុះ ២,២លីត្រ។