មកស្គាល់មុខមាត់ពិត និងប្រវត្តិខ្លះៗរបស់កូនខ្មោចកំពុងល្បី

2016-11-01 19:05:57
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅប៉ុន្មានថ្ងៃថ្មីៗនេះ រូបថតក្មេងស្រីតូចតែងខ្លួនជាខ្មោចដើម្បីអបអរពិធីបុណ្យ Halloween ត្រូវបានបណ្ដាសារព័ត៌មានអន្តរជាតិជាច្រើនចុះផ្សាយ ដោយសារការផាត់មុខ និងស្លៀកពាក់ធ្វើឲ្យគ្រប់គ្នាអស់សំណើច។

ប៉ុន្តែអ្វីដែលគេចាប់អារម្មណ៍ខ្លាំង គឺកុមារីក្នុងសំលៀកបំពាក់ឈុតខ្មៅ មុខសនេះ ធ្វើឲ្យមិត្តរបស់នាងម្នាក់ស្រែកយំស្ទើរគាំងក្នុងបន្ទប់មួយ។ រូបថតទាំងនោះល្បីខ្លាំងនៅចិន តៃវ៉ាន់ វៀតណាម ថៃ រហូតដល់អ្នកប្រើប្រាស់បណ្ដាញសង្គម Facebook កម្ពុជាផង។

ទោះជាបានឃើញរូបថតស្លៀកពាក់ឈុតខ្មោចគួរឲ្យខ្លាចផង ស្រលាញ់ផងខាងលើក្ដី តែគេមិនបានដឹងថាកុមារនេះមកពីប្រទេសណា និងមានមុខមាត់ពិតយ៉ាងណានោះទេ។

កុមាររូបនេះមានឈ្មោះ Meng Meng អាយុ២ឆ្នាំ ជាសិស្សសាលាថ្នាក់មត្តេយ្យ នៅទីក្រុង Kaohsiung កោះតៃវ៉ាន់ ហើយការតុបតែងខ្លួន គឺដូចទៅនឹងតួអង្គព្រលឹងខ្មោច No-Face ក្នុងរឿងតុក្កតាជប៉ុន Spirited Away របស់លោក Hayao Miyzaki។

មុនថ្ងៃបុណ្យ Halloween មួយថ្ងៃ សាលាមត្តេយ្យខាងលើបានរៀបចំពិធីជួបជុំសិស្ស ដោយតម្រូវស្លៀកពាក់ប្លែកៗ ដូច្នេះឪពុកម្ដាយរបស់ក្មេងៗជាអ្នកតុបតែងខ្លួនឲ្យពួកគេតែម្ដង៕