អ្នក​ស្រាវជ្រាវ​នៃ​បណ្ឌិត​សភា​វិទ្យាសាស្ត្រ​របស់​ប្រទេស​ចិន​ ​ទើប​ផលិត​សម្រេច​នូវ​មេដែក​ ​ដែល​មាន​កម្លាំង​ទាញ​ខ្លាំង​ជាង​ទំនាញ​ផែនដី​ដល់​ទៅ​ ​២០​ ​ម៉ឺន​ដង​ ​ឬ​ ១០​ ​Tesla។

ជា​មួយ​កម្លាំង​ទំនាញ​ ​១០​ ​Tesla​ ​មេ​ដែក​នេះ​មាន​អង្កត់​ផ្ចិត​ ​៩២​ ​សង់ទីម៉ែត្រ​ ​ហើយ​វា​ក៏​ជា​ទំហំ​ធំ​ និង​ខ្លាំង​បំផុត​ក្នុង​ប្រវត្តិសាស្ត្រ​មេ​ដែក​របស់​ចិន​។ ទន្ទឹមនេះ​ដែរ​ក្រុម​ស្រាវជ្រាវ​អះអាង​ថា​ នឹង​ផលិត​សម្រេច​ដល់​កម្រិត​ ​៦០​ ​Tesla។

បច្ចេកវិទ្យា​មេ​ដែក​នេះ​ ​នឹង​ជួយ​ពន្លឿន​ការ​ស្រាវជ្រាវ​ផ្នែក​វិទ្យាសាស្ត្រ​ ​ជា​ពិសេស​ការ​ផលិត​កុំព្យូទ័រ​ប្រភេទ​ ​quantum​ ​និង​បច្ចេកវិទ្យា​ម៉ាស៊ីន​ល្បឿន​លឿន​ជាង​សំឡេង។ បច្ចេកវិទ្យា​នេះ​នឹង​ត្រូវ​បំពាក់​ដំបូង​ក្នុង​ម៉ាស៊ីន​ស្កេន​សរីរាង្គ​មនុស្ស​ ​MRI​ ​(Magnetic Resonance Imaging)​ ​ខណៈ​គេ​ជឿ​ថា​មេ​ដែក​កម្រិត​ ​១០​ ​Tesla​ ​អាច​ឲ្យ​ធាតុ​អាតូម​ដែល​ផ្លាស់​ទី​ពេញ​ខ្លួន​មនុស្ស​ផ្ដុំ​ជា​ជួរ​ និងអាចចាប់​យក​ទិន្នន័យ​របស់​ស្ថានភាព​សរីរាង្គ​បាន​យ៉ាង​ច្បាស់៕

ចុចអាន ៖

• មួន ចំណាន ប្រាប់​តិចនិក ដើម្បី​ក្លាយ​ខ្លួន​ជា Google Local Guides
• Alienware 13 R3​ ​ម៉ូដែល​ថ្មី​អេក្រង់​ ​Touch Screen​ ​លេង​ហ្គេមមិន​ចេះ​ទាក់

ប្រភព៖ Scmp   ប្រែ​សម្រួល៖ រដ្ឋ