BMW 7 Series ០១៧ ទើបចេញ មានអ្នកកុម្ម៉ង់ទិញអស់បីគ្រឿងបាត់

2016-12-08 08:34:41
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រណិតម៉ូដែល BMW 7 Series ទើបតែប្រកាសដាក់លក់ជាផ្លូវការនៅថ្ងៃនេះ ប៉ុន្តែមានអ្នកកុម្ម៉ង់ទិញមុនកំណត់ដល់ទៅបីគ្រឿង ក្នុងតម្លៃប្រហែល ២៧ ៩៨០០ ដុល្លារ។

BMW 7 Series ស៊េរីឆ្នាំ ២០១៧

លោកស្រី លី លក្ខណា ដែលជាអ្នកគ្រប់គ្រងជាន់ខ្ពស់ផ្នែកទីផ្សារប្រចាំនៅ Premium auto imports បានឲ្យដឹងថា រថយន្តប្រណិតនេះមានអតិថិជនទំនាក់ទំនងកម្ម៉ង់ទិញអស់ប្រហែលបី បួនគ្រឿងហើយក្នុងថ្ងៃសម្ភោធដាក់លក់ជាផ្លូវការនេះ។

លោកស្រីបានបន្តទៀតថា ឆ្នាំនេះជាខួបគម្រប់ ១០០ ឆ្នាំដែល BMW បានផលិតម៉ាស៊ីនរថយន្តឡើង ជាងនេះទៀតនៅឆ្នាំក្រោយ Premium Auto ដែលនាំចូល BMW ផ្លូវការនឹងមានសេវាកម្មជួសជុលនិងធានារថយន្ត ៥ឆ្នាំដោយគ្មានការបារម្ភ ព្រមទាំងមាននាំចូលរថយន្តប្រណិតបន្ថែមទៀតដូចជា Mini Cooper ជាដើម។

រថយន្តដ៏ល្បីឈ្មោះរបស់អាល្លឺម៉ង់ BMW 7 Series ស៊េរីឆ្នាំ ២០១៧ របស់ក្រុមហ៊ុននាំចូលផ្លូវការ Premium auto imports បំពាក់តួខ្លួន ផលិតពីសារធាតុកាបូន លាយជាមួយនឹងប្លាស្ទិករឹង ដែកថែប និងជាតិអាលុយមីញ៉ូម ដែលធ្វើឲ្យរថយន្តមានទម្ងន់ស្រាលកាត់បន្ថយការស៊ីសាំង និងមានបំពាក់មកជាមួយបច្ចេកវិទ្យាទំនើបៗដូចជា៖

បច្ចេកវិទ្យាចតឡាននិងបញ្ជាបញ្ឆេះរថយន្តពីចម្ងាយបានដោយប្រើតេឡេ ឬរីប៉ូតបញ្ជា ដែលជាបច្ចេកវិទ្យាដំបូងបង្អស់លើពិភពលោក ផ្ដល់ភាពស្រួលសម្រាប់ការចូលចតក្នុងកន្លែងតូចចង្អៀត។
បច្ចេកវិទ្យាបញ្ជាដោយប្រើកាយវិការ ដែលជាបច្ចេកវិទ្យាទំនើបចុងក្រោយមួយសម្រាប់ជួយសម្រួលដល់អ្នកបើកបរក្នុងការបញ្ជាបើកចម្រៀង ឬបន្ថយសំលេងតន្ត្រីដែលកំពុងស្ដាប់ ឬបញ្ជាធ្វើអ្វីផ្សេងទៀត ខណៈពេលបើកបរជៀសវាងមានគ្រោះថ្នាក់ជាយថាហេតុ និងបច្ចេកវិទ្យា Sound System ជាដើម៕