​​​​​​​​​​​​តាម​ការ​សង្កេត​មើល​លើ​ភាពយន្ត​ថ្មីៗ​ដែល​និយាយ​អំពី​វីរបុរស​ Marvel គេ​ឃើញភាគ​ច្រើន​តួអង្គ​ក្នុង​ភាព​យន្ត​គឺ​​ប្រើ​ប្រាស់​ម៉ាក​ទូរសព្ទ​ចិន​ រួម​មាន​ Vivo និង Huawei ជា​ដើម។

@ តួអង្គ​ Captain America

ក្នុង​ភាពយន្ត​ Captain America: Civil War តួអង្គ​​សំខាន់ ​Chris Evans​ ដែល​សម្ដែង​ជា​ Captain America ​ប្រើ​ប្រាស់​ទូរសព្ទ​ចិន​ម៉ូដែល​ Vivo V3Max តម្លៃ​ ៣៦០ ដុល្លារ។

@ តួអង្គ​ Iron Man

​កន្លង​មក​គេ​ក៏​ឃើញ​តួអង្គ​ Iron Man ប្រើ​ប្រាស់​ស្មាតហ្វូន​ទំនើប​ជា​ច្រើន​ម៉ូដែល​រួម​មាន​ LG និង Alcatel ជា​ដើម​ ប៉ុន្តែ​​ស្មាតហ្វូន​ចុង​ក្រោយ​បង្អស់​ដែល​តួអង្គ​នេះ​ប្រើ​ជា​ម៉ូដែល​ Vivo V3 តម្លៃ​ប្រមាណ​ ២៧០ ដុល្លារ។

@ តួអង្គ​ Black Widow

​ពី​ដើម​មក​ ​​​​Black Widow តែង​ប្រើ​ស្មាតហ្វូន​ទំនើប​ត្រកូល​ Galaxy របស់​ Samsung ប៉ុន្តែ​ក្នុង​ភាពយន្ត​ Captain America: Civil War តួអង្គ​នេះ​ប្រើ​ស្មាតហ្វូន​បត់ ​​​ពិបាក​នឹង​កំណត់​ថា​ជា​ម៉ូដែល​អ្វី។ ប៉ុន្តែ​តាម​រូបរាង​គេ​សន្និដ្ឋាន​ថា​ជា​ទូរសព្ទ​បត់​របស់​ Samsung ម៉ូដែល​ W2016។

@ តួអង្គ​ Doctor Strange

ត្បិត​ថា​ជិះ​សុទ្ធ​តែ​​រថយន្ត​ Lamborghini Huracan តម្លៃ​ជាង​ ២៣៧ ០០០ ដុល្លារ​ ប៉ុន្តែ​គេ​ឃើញ​ថា​តួអង្គ​នេះ​ប្រើ​ស្មាតហ្វូន​​ម៉ូដែល​ Huawei Honor តម្លៃ​ប្រមាណ​ ៤០០ ដុល្លារ​ ប៉ុណ្ណោះ។

@ តួអង្គ​ Deadpool

ដោយ​ឡែក​តួអង្គ​ Deadpool ឯ​ណេះ​វិញ​ប្រើ​ស្មាតហ្វូន​ធន់​មធ្យម​មួយ​របស់​ Sony ដើម្បី​ទទួល​សារ។ ត្បិត​ថា​ប្លង់​បង្ហាញ​ពី​ទូរសព្ទ​ខ្លី​ ប៉ុន្តែ​អាច​មើល​ដឹង​ថា​មិនមែន​ជា​ស្មាតហ្វូន​ម៉ូដែល​កំពូល​របស់​ Sony ឡើយ៕

ប្រភព៖ Zing   ប្រែ​សម្រួល៖ សុខហេង