Jessie J ប្រាប់គន្លឹះនៃការលាបក្រែមបបូរមាត់ឲ្យជាប់បានពេញ១ថ្ងៃ

2016-12-29 04:40:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងអង់គ្លេស Jessie J បានរៀបរាប់ពីវិធីសាស្ត្រដែលធ្វើឲ្យបបូរមាត់មានពណ៌ក្រែមជាប់បានយូរពេញមួយថ្ងៃ ដូច្នេះហើយ មិត្តៗនារីទាំងអស់មិនចាំបាច់ពឹងលើការថែមក្រែមច្រើនដង ដែលធ្វើឲ្យឃើញស្នាមក្រែមមកទាំងដុលទៀតទេ។

Jessie J បានឲ្យយោបល់ថា ប្រសិនជាអ្នកចង់ឲ្យពណ៌ក្រែមនៅជាប់បានយូរ អ្នកត្រូវធ្វើឲ្យប្រាកដថា បរិវេណនៅជុំវិញមាត់របស់អ្នកមិនត្រូវឲ្យសើមជាមួយនឹងម្សៅទ្រនាប់ឬម្សៅធម្មតាច្រើនពេកទេ។ តារាវ័យ២៨ឆ្នាំ ដែលនិយមផាត់មុខឡើងឆាកខ្លួនឯងរូបនេះ បានបន្តបង្ហើបពីតិចនិកនៃការគូសរង្វង់បបូរមាត់ឲ្យបានស្រស់ស្អាតផងដែរ។ នាងបានណែនាំឲ្យប្រើខ្មៅដៃគូសរង្វង់បបូរមាត់ដែលមានចុងស្រួច ព្រោះបើប្រើចុងទាល នឹងធ្វើឲ្យពណ៌របស់ក្រែមប្រតាកមិនខានឡើយ។ បន្ទាប់មកគូសជុំវិញបបូរមាត់អ្នកស្រាលៗ មិនបាច់ដិតពេកនោះទេ នាំតែឃើញគំនូសខ្លាំងពេលវាស្ងួត។

ការជ្រើសរើសផលិតផលក្រែមដែលមានគុណភាពល្អ ក៏ជារឿងមិនគួរខកខានដែរ ព្រោះថាក្រែមភាគច្រើនមិនជាប់ពណ៌បានយូរដូចដែលពេលផ្សព្វផ្សាយនោះទេ សូម្បីតែតារាមួយចំនួន ក៏ត្រូវចំណាយពេលនិងថវិកា រើសយកផលិតផលម៉ាកល្អមកប្រើ។ Jessie J លើកឡើងអំពីរបៀបដែលអាចពន្យារពេលប្រើក្រែមទាំងនោះឲ្យបានរយៈពេលយូរថា៖ "ខ្ញុំតែងតែប្រើជក់បបូរមាត់សម្រាប់លាបក្រែម តែប្រសិនជាដើរចេញក្រៅ ខ្ញុំលាបក្រែមផ្ទាល់តែម្ដង រួចយកជក់មកគ្រវាសលើបបូរមាត់បន្ថែមដើម្បីទទួលបានលទ្ធផលល្អជាទីគាប់ចិត្ត ហើយកុំភ្លេចពេលផឹកភេសជ្ជៈ ប្រើបំពង់បឺតជានិច្ច"។

តើប្រិយមិត្តយល់យ៉ាងណាដែរចំពោះតិចនិករបស់ Jessie J ?

ប្រែសម្រួល៖ សីលា