យោងតាមរបាយការណ៍ពីប្រភពដែលអាចជឿទុកចិត្តបាន ភ្នាក់ងារសម្ងាត់សហរដ្ឋអាមេរិក (U.S. Secret Service) បានប្រើប្រាស់ពាក្យកូដសម្ងាត់ជាច្រើនដើម្បីទំនាក់ទំនងអំពីសកម្មភាពផ្ទាល់ខ្លួនរបស់ប្រធានាធិបតី និងគ្រួសារនៅក្នុងសេតវិមាន។ ក្នុងចំណោមនោះ មានពាក្យកូដមួយចំនួនត្រូវបានគេរាយការណ៍ថាត្រូវបានប្រើសម្រាប់សំដៅលើពេលវេលាឯកជនរវាងប្រធានាធិបតី និងភរិយា និយាយឱ្យខ្លី គឺរួមភេទ។

យោងតាមការចុះផ្សាយរបស់ The Mirror និង The Sun ក្នុងអំឡុងរដ្ឋបាលរបស់អតីតប្រធានាធិបតី បារ៉ាក់ អូបាម៉ា លោកត្រូវបានគេស្គាល់ក្នុងនាម "Renegade" ខណៈលោកស្រី មីឆែល អូបាម៉ា ត្រូវបានគេហៅថា "Renaissance"។ នៅពេលដែលអ្នកទាំងពីរចង់បានពេលវេលាឯកជន នៅតែ២នាក់ ភ្នាក់ងារសម្ងាត់បានប្រើពាក្យកូដ "the Bosnian problem" ដើម្បីបង្ហាញថាពួកគេមិនអាចរំខានបាន។ ឧទាហរណ៍ ការសន្ទនាអាចនិយាយថា៖ "Renaissance មិនអាចរំខានបានទេ។ នាង និង Renegade កំពុងពិភាក្សាអំពីបញ្ហាបូស្នៀ"។

ទោះជាយ៉ាងណា មិនមានភស្តុតាងច្បាស់លាស់ណាមួយបញ្ជាក់ថា ពាក្យកូដនេះត្រូវបានប្រើប្រាស់ជាទូទៅ ឬបន្តប្រើក្នុងរដ្ឋបាលផ្សេងទៀតនោះទេ។ ឧទាហរណ៍ នៅក្នុងរដ្ឋបាលរបស់អតីតប្រធានាធិបតី ដូណាល់ ត្រាំ មិនមានរបាយការណ៍ណាមួយបញ្ជាក់ថា លោកបានរក្សាពាក្យកូដ "the Bosnian problem" ឬបានប្រើពាក្យកូដផ្សេងសម្រាប់គោលបំណងស្រដៀងគ្នានេះឡើយ។ ទោះបីជាមានការរាយការណ៍ថា លោកត្រាំ ដែលត្រូវបានគេស្គាល់ថា "Mogul" និងលោកស្រី មេឡានី ត្រាំ "Muse" អាចប្រើពាក្យកូដស្រដៀងគ្នាក៏ដោយ ប៉ុន្តែព័ត៌មាននេះមិនត្រូវបានបញ្ជាក់ជាផ្លូវការទេ៕