ពលរដ្ឋមកពីប្រទេសទាំង៧នេះ នឹងពិបាកចូលអាមេរិកខ្លាំង
- 2017-01-26 07:38:10
- ចំនួនមតិ 0 | ចំនួនចែករំលែក 0
ពលរដ្ឋមកពីប្រទេសទាំង៧នេះ នឹងពិបាកចូលអាមេរិកខ្លាំង
ចន្លោះមិនឃើញ
ចាប់តាំងពីឡើងកាន់តំណែង ប្រធានាធិបតីអាមេរិកថ្មី លោក ដូណាល់ ត្រាំ បានចុះហត្ថលេខាលើប្រតិបត្តិបញ្ជា ចំនួន១០រួចមកហើយ ហើយបានរំពឹងថា នឹងប្រកាសពីប្រតិបត្តិបញ្ជាជាច្រើនទៀត ដើម្បីដោះស្រាយបញ្ហាទិដ្ឋាការ និង ជនភៀសខ្លួន។
យោងតាមប្រភពព័ត៌មាន បានឲ្យដឹងថា លោក ត្រាំ កំពុងតែគោរពតាមពាក្យសន្យារបស់ខ្លួន ដោយបានត្រៀមខ្លួនរួចជាស្រេច ដើម្បីហាមឃាត់ទិដ្ឋាការ នៃពលរដ្ឋមកពីប្រទេសចំនួន៧ មិនឲ្យចូលមកសហរដ្ឋអាមេរិកងាយៗឡើយ ដោយក្នុងនោះរួមមានដូចជា អ៊ីរ៉ាក់ អ៊ីរ៉ង់ ស៊ីរី លីប៊ី យេមែន ស៊ូដង់ និង សូម៉ាលី ផងដែរ។
ស្ថិតនៅក្រោមសេចក្ដីព្រាងច្បាប់មួយ សហរដ្ឋអាមេរិកនឹងបញ្ឈប់ដំណើរការទិដ្ឋាការ នៃជនជាតិទាំងទ្បាយនោះ រយៈពេល៣០ថ្ងៃ ដោយរដ្ឋាភិបាលរបស់លោក អូបាម៉ា កាលពីមុន បានចាត់ទុកថា (ជនជាតិទាំងនោះ) អាចបង្កគ្រោះថ្នាក់ខ្លាំង ក្នុងការធ្វើដំណើរចូលមកសហរដ្ឋអាមេរិក ក្រោមកម្មវិធីលើកលែងទិដ្ឋាការរបស់ប្រទេសមួយនេះ។
ជាមួយគ្នានេះដែរ លោក ត្រាំ បានរំពឹងទុកថា នឹងបញ្ជាហាមឃាត់ជាច្រើនខែ មុនពេលអនុញ្ញាតឲ្យជនភៀសខ្លួន ចូលមកសហរដ្ឋអាមេរិក លើកលែងតែជនជាតិភាគតិច ដែលកំពុងគេចចេញពីទុក្ខបុកម្នេញប៉ុណ្ណោះ។
ស្ថិតក្រោមឯកសារព្រាងនេះ រដ្ឋាភិបាលថ្មីរបស់លោក ត្រាំ នឹងកែប្រែ មកបញ្ឈប់ដំណើរការទិដ្ឋាការ រយៈពេល១២០ថ្ងៃវិញ ចំពោះជនភៀសខ្លួនមកពីប្រទេសទាំង៧ ខាងលើ រហូតដល់ក្រុមមន្ត្រី អាចប្រតិបត្តិកម្មវិធីជនភៀសខ្លួន ដើម្បីពិនិត្យ និងវាយតម្លៃ យ៉ាងយកចិត្តទុកដាក់បំផុតលើពួកគេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
