សត្វផុតពូជល្បីៗ១០ប្រភេទ អ្នកវិទ្យាសាស្ត្រគ្រោងក្លូនឲ្យរស់ឡើងវិញ

2017-01-30 08:16:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាច្រើនសហស្សវត្សមកហើយ សត្វជាច្រើនប្រភេទបានផុតពូជបាត់មុខពីលើផែនដីដោយសារមូលហេតុផ្សេងៗគ្នាជាច្រើន។

ពេលខ្លះវាដាច់ពូជដោយសារការផ្លាស់ប្ដូរបរិយាកាសផែនដី គ្រោះធម្មជាតិ និងខ្លះដោយសារសកម្មភាពបរបាញ់របស់មនុស្ស។ ក្នុងសម័យវិទ្យាសាស្ត្រជឿនលឿនដែលផ្ដោតសំខាន់ទៅលើជីវបច្ចេកវិទ្យា ក្រុមអ្នកវិទ្យាសាស្ត្រសង្ឃឹមនឹងនាំយកសត្វផុតពូជល្បីៗឲ្យបង្ហាញវត្តមានលើផែនដីឡើងវិញ ដោយពេលនេះគេបានកត់ទុកប្រភេទសត្វមួយចំនួនហើយ។

ជាទូទៅ ប្រសិនបើមានប្រភេទសត្វអំបូរស្រដៀងគ្នានៅរស់ នោះសេនេទិចក៏ស្រដៀងគ្នាដែលធ្វើឲ្យគេងាយស្រួលក្លូនសត្វផុតពូជមកវិញបានស្រួលដូចជាដំរីធម្មតា សម្រាប់ក្លូនយកដំរីរោមក្រាស់ និងគោធម្មតាសម្រាប់ក្លូនយកគោ Aurochs ជាដើម។

ការសម្រេចជ្រើសរើសសត្វមកក្លូននោះទៀតសោត គេបានគិតទៅលើថាវាជាសត្វមនុស្សត្រូវការ ឬអត់ ផ្ដល់ប្រយោជន៍ព្រៃឈើប៉ុណ្ណា មានជម្រក អាហារគ្រប់គ្រាន់សម្រាប់ពួកវាដែរទេ។ បើគិតលើចំណុចនេះ អំបូរដាយណូស័រ មិនអាចកើតមានវិញបានឡើយ។ សត្វ ២៥ប្រភេទដែលអ្នកវិទ្យាសាស្ត្រចង់យកមកវិញ តែសូមជ្រើសរើសយក១០ប្រភេទប្លែកៗ និងធ្លាប់ឃើញខ្លះៗក្នុងភាពយន្តដូចខាងក្រោម៖

១. ខ្លា Caspian ផុតពូជនៅឆ្នាំ១៩៦០ រស់នៅអាស៊ីកណ្ដាលរួមទាំងអ៊ីរ៉ង់ អ៊ីរ៉ាក់ តួកគី និងភាគខាងជើងប្រទេសចិន

២. គោ Auroch រស់នៅអាស៊ី អឺរ៉ុប និងអាហ្វ្រិកខាងជើង (មិនបញ្ជាក់ឆ្នាំផុតពូជ)

៣. ដំរីរោមក្រាស់ Mammoth ផុតពូជជាង៤០០០ឆ្នាំ រកឃើញសាកសពក្រោមទឹកកកអាកទិច

៤. រមាសរោមក្រាស់ woolly rhinoceros រស់នៅអាស៊ី និងអឺរ៉ុប។ វាមានបាតជើងធំៗ រោមដងខ្លួនវែងៗអាចរស់ក្នុងអាកាសធាតុត្រជាក់បាន។ ការបរបាញ់របស់មនុស្សត្រូវគេជឿថាធ្វើឲ្យវាផុតពូជ។ (មិនបញ្ជាក់ឆ្នាំផុតពូជ)

៥. មាន់ Health Hen រស់នៅតាមឆ្នេរអាមេរិកខាងជើងដល់ឆ្នាំ១៩៣២។ មនុស្សចូលចិត្តយកធ្វើម្ហូបសម្រាប់ពេលល្ងាច។

៦. បក្សីយក្ស Moa មិនចេះហើរ៖ រស់នៅនូវែលហ្សេឡង់មានកម្ពស់ដល់ទៅ៣,៦ម៉ែត្រ ទម្ងន់អាចដល់ ២៣០គីឡូក្រាម។ វាបានផុតពូជនៅឆ្នាំ ១៤០០ ហើយគេបានរកឃើញបក្សីស្រដៀងគ្នាឈ្មោះ Tinamous នៅអាមេរិកខាងត្បូងចេះហើរ ងាយនឹងគេប្រើប្រាស់ហ្សែនរបស់វា។