មហាសេដ្ឋីលេខ៣លើលោក ញ៉ាំអាហាររាល់ព្រឹកអស់តិចសឹងមិនជឿ

2017-02-02 23:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Warren Buffett ជាកំពូលអ្នកជំនួញអាមេរិក និងជាមហាសេដ្ឋីមានទ្រព្យច្រើនលំដាប់ទី៣ នៅលើពិភពលោក បន្ទាប់ពី Bill Gate និង Amancio Ortega (ជនជាតិអេស្ប៉ាញ) ថ្មីៗនេះបានធ្វើឲ្យមនុស្សជាច្រើនភ្ញាក់ផ្អើលពេលដឹងថាលោកចាយប្រាក់សម្រាប់អាហាររាល់ព្រឹកមិនដែលលើស៣,១៦ដុល្លារឡើយ។

នៅឆ្នាំ២០១៧ លោក Warren មានទ្រព្យសម្បត្តិប្រមាណ ៧៤ពាន់លានដុល្លារ តែមនុស្សភាគច្រើនមិនបានដឹងពីជីវិតរស់នៅរបស់គាត់ឡើយ។ មហាសេដ្ឋីវ័យ៨៦ឆ្នាំរូបនេះ រស់នៅក្នុងផ្ទះមានបន្ទប់គេងចំនួន៥ នៅទីក្រុង Omaha រដ្ឋ Nebraska សហរដ្ឋអាមេរិក ដែលលោកបានទិញតាំងពីឆ្នាំ១៩៥៨ តម្លៃ៣១ ៥០០ដុល្លារ។

អំឡុងពេលបើករថយន្តទៅកន្លែងធ្វើការក្នុងចម្ងាយផ្លូវ៥នាទី លោកតែងតែឈប់នៅមុខហាង McDonald ស្រស់ស្រូបអាហារពេលព្រឹកដូចទម្លាប់៥៤ឆ្នាំកន្លងទៅ ដោយទិញនំស៊ាំងវិចមួយដុំក្នុងចំណោម៣ប្រភេទ គឺតម្លៃ ២,៦១ដុល្លារ ២,៩៥ដុល្លារ ឬថ្លៃអស់ត្រឹម ៣,១៧ដុល្លារប៉ុណ្ណោះ។ នំតម្លៃ ២,១៦ដុល្លារ មានសាច់ក្រក២ដុំ ហើយលោកមានកូកាកូឡាជាប់ខ្លួនមួយកំប៉ុង។ ចំណែកនំតម្លៃ៣,១៧ដុល្លារ ជាប្រភេទសាច់ជ្រូក លាយស៊ុត និងឈីសប៊ីស្គីត៕