វិធី៦យ៉ាង ជួយបំបាត់បញ្ហាក្លិនក្លៀកបានយ៉ាងរហ័ស
- 2014-11-06 22:03:48
- ចំនួនមតិ 0 | ចំនួនចែករំលែក 0
វិធី៦យ៉ាង ជួយបំបាត់បញ្ហាក្លិនក្លៀកបានយ៉ាងរហ័ស
ចន្លោះមិនឃើញ
បញ្ហាក្លិនក្លៀកអាចកើតឡើងចំពោះទាំងបុរសនិងនារី។ រាល់ពេលនៅជិតមនុស្សដែលមានក្លិនក្លៀកមិនល្អ វាធ្វើឲ្យអ្នកបាត់បង់អារម្មណ៍ក្នុងការប្រាស្រ័យជាមួយម្នាក់នោះទៀតមិនខាន។ មានវិធីងាយៗជាច្រើនដែលសុភាពបុរស និងសុភាពអាចងាកមកសាកល្បងដើម្បីបញ្ចប់បញ្ហាក្លិនក្លៀកនេះ។
១. គ្រប់គ្រងរបបអាហារបានត្រឹមត្រូវ៖
ការញ៉ាំអាហារក៏អាចបណ្ដាលឲ្យមានក្លិនខ្លួន ជាពិសេសក្លិនក្រោមក្លៀកតែម្ដង។ សម្រាប់អ្នកដែលមានបញ្ហានេះ គួរបញ្ឈប់ការញ៉ាំអាហារមួយចំនួនដែលមានក្លិនឆួលខ្លាំងដូចជា ខ្ទឹមស ខ្ទឹមបារាំង ត្រីសមុទ្រមួយចំនួន គ្រឿងការី សាច់ក្រហម ភេសជ្ជៈដែលមានជាតិអាល់កុល និងជាតិកាហ្វេអ៊ីន។ ប្ដូរពីការញ៉ាំអាហារទាំងនេះ អ្នកអាចងាកមកញ៉ាំបន្លែបៃតងវិញ ព្រោះវាអាចជួយបំបាត់ក្លិនមិនល្អពីក្នុងខ្លួនបាន។
២. ញ៉ាំទឹកឲ្យបានច្រើន៖
ក្រៅពីអាចជួយរក្សាសំណើមក្នុងខ្លួនបានហើយ ទឹកក៏អាចជួយបណ្ដេញជាតិពុលមកក្រៅតាមរយៈញើសទៀតផង។ ក្រៅពីនេះ ការញ៉ាំទឹកបានច្រើនអាចជួយឲ្យខ្លួនស្អាតពីខាងក្នុង ហើយលែងមានក្លិនខ្លួនទៀតបាន។
៣. ប្រើក្រូចឆ្មារ៖
៤. បញ្ឈប់ទម្លាប់ជក់បារី៖
បារី ឬថ្នាំជក់គឺភ្នាក់ងារដ៏សំខាន់ក្នុងការធ្វើឲ្យខ្លួនរបស់អ្នកមានក្លិនមិនល្អ។ ដូច្នេះសម្រាប់អ្នកដែលមានទម្លាប់ជក់បារី គ្រាន់តែបញ្ឈប់ទម្លាប់នោះ អ្នកនឹងលែងមានបញ្ហាខាងលើទៀតហើយ។
៥. កោររោមក្លៀក និងប្រើប្រាស់ផលិតផលជំនួយ៖
ការកោររោមក្លៀកអាចធ្វើឲ្យបាក់តេរីទាំងឡាយ លែងមានលទ្ធភាពកកើតក្រោមក្លៀកអ្នកទៀតហើយ។ តាមការណែនាំរបស់អ្នកជំនាញបានឲ្យដឹងថា បើអ្នកពិតជាមានបំណងចង់បញ្ឈប់បញ្ហាក្លិនក្លៀកមែន គួរកោររោមក្លៀកឲ្យបានញឹកញាប់ និងសម្អាតជាប្រចាំ។ ជាងនេះ ដើម្បីកាន់តែមានប្រសិទ្ធភាពគួរប្រើរួមជាមួយផលិតផលលាបក្លៀក ដើម្បីឲ្យក្លៀកមានក្លិនល្អឡើងវិញ។
៦. ទៅពិគ្រោះជាមួយគ្រូពេទ្យ៖
ក្លិនក្លៀកខ្លះអាចជាបញ្ហាជំងឺពីខាងក្នុងមកដែលការព្យាបាលតាមបែបធម្មជាតិខាងលើមិនអាចធ្វើបានលទ្ធផល។ ហេតុនេះសម្រាប់អ្នកដែលបានសាកល្បងវិធីខាងលើហើយ នៅតែមិនបាត់ទៀត គួរតែទៅពិគ្រោះជាមួយគ្រូពេទ្យជំនាញដើម្បីដឹងច្បាស់ពីអាការៈនៃការធុំក្លិននេះ៕
ប្រែសម្រួល៖ សរ សុគន្ធី ប្រភព៖ webmd, howstuffworks
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
