នេះជាមូលហេតុ ប្រធានាធិបតីអាមេរិកទៅណាម្ដងៗ ត្រូវចំណាយជិត៣ពាន់ដុល្លារក្នុងមួយនាទី

2017-02-16 03:16:08
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលប្រធានាធិបតីអាមេរិក ត្រូវធ្វើដំណើរទៅណាម្ដងៗ តែងតែមានប្រព័ន្ធដឹកជញ្ជូនដ៏អស្ចារ្យ ដើម្បីការពារសុវត្ថិភាព។

គួររំលឹកឲ្យដឹងថា ប្រធានាធិបតីអាមេរិក ៤រូប ត្រូវបានគេធ្វើឃាត ដោយ២រូបនៅក្នុងការិយាល័យ និង ២រូបផ្សេងទៀត (លោក Garfield និង លោក Kennedy) នៅពេលដំណើរតាមដងផ្លូវ។ វាសបញ្ជាក់ឲ្យឃើញថា ប្រធានាធិបតីងាយនឹងរងគ្រោះបំផុត ខណៈពេលដែលធ្វើដំណើរនៅតាមដងផ្លូវ។

មូលហេតុនេះហើយ ទើបទីភ្នាក់ងារសម្ងាត់របស់អាមេរិក (មិនរាប់បញ្ចូលកងទ័ពម៉ារីន និង កងទ័ពអាកាស) មានប្រព័ន្ធការពារយ៉ាងល្អិតល្អន់ និងទូលំទូលាយ នៅពេលដែលប្រធានាធិបតី ធ្វើដំណើរពីកន្លែងមួយ ទៅកន្លែងមួយផ្សេងទៀត។ ផ្នែកខ្លះនៃប្រព័ន្ធការពារ ដែលមនុស្សមួយចំនួនបានដឹង មានដូចជា រថយន្តប្រភេទ Limousine ម៉ាក Cadillac One មានរហស្សនាមថា The Beast, យន្តហោះ Air Force One មានរហស្សនាមថា Jumbo Jet និង ឧទ្ធម្ភាគចក្រនៃកងម៉ារីន Marine One ជាដើម។

រថយន្ត Cadillac One

យន្តហោះ Air Force One

ឧទ្ធម្ភាគចក្រនៃកងម៉ារីន Marine One

ទោះបីជាយ៉ាងណា អ្វីដែលបានរៀបរាប់ខាងលើនេះ គ្រាន់តែជាមួយផ្នែកតូចប៉ុណ្ណោះ សម្រាប់ការពារដំណើររបស់ប្រធានាធិបតីអាមេរិក ខណៈប្រតិបត្តិការទាំងមូល គឺពិតជាធំអស្ចារ្យ ហើយក៏ត្រូវចំណាយច្រើនផងដែរ។

ជាការពិតណាស់ សេតវិមាន ត្រូវចំណាយលុយ ចំនួន ៣៥០លានដុល្លារ ជារៀងរាល់ឆ្នាំ ឬស្មើនឹង ២ ៦១៤ដុល្លារ ក្នុងមួយនាទី លើការដឹកជញ្ជូនប្រធានាធិបតីអាមេរិក៕

ចង់ដឹងកាន់តែច្បាស់ និងលម្អិត សូមទស្សនាវីដេអូខាងក្រោម៖