រូបថតច្រើនសន្លឹករបស់ ហ៊ីត្លែរ ដែលគ្រប់គ្នា អាចមិនធ្លាប់បានឃើញពីមុនមក

2017-03-02 01:10:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អាល់ប៊ុមរូបថតមួយ ដែលមានផ្ទុកទៅដោយរូបថតជាច្រើនសន្លឹក ដែលមនុស្សស្ទើរតែគ្រប់គ្នា មិនធ្លាប់បានឃើញពីមុនមក របស់មេដឹកនាំគណបក្ស ណាស៊ី លោក អាដុល ហ៊ីត្លែរ នៅក្នុងអំឡុងពេលសង្គ្រាមលោកលើកទី២ ត្រូវបានគេរកឃើញ រយៈពេល៧២ឆ្នាំ ក្រោយពេលអ្នកកាសែតម្នាក់ យកវាចេញពីក្នុងទូ នៃបន្ទប់ដេករបស់លោកស្រី Eva Braun ដែលជាភរិយារបស់ ហ៊ីត្លែរ។

អាដុល ហ៊ីត្លែរ

ក្នុងនោះដែរ រូបថតមួយសន្លឹក បានបង្ហាញឲ្យឃើញ មេដឹកនាំផ្ដាច់ការណាស៊ី រូបនេះ ធ្វើសញ្ញាគោរព នៅខាងក្រៅទីស្នាក់ការកណ្ដាល ដែលស្ថិតក្នុងតំបន់ Berghof នៃប្រទេសអាល្លឺម៉ង់។ រូបថត២សន្លឹកទៀត បង្ហាញឲ្យឃើញ ហ៊ីត្លែរ ញញឹមនៅចំពោះក្មេងៗជាច្រើននាក់ ដែលកំពុងតែគោរពលោក។

គួរបញ្ជាក់ថា អាល់ប៊ុមរូបថតជាលក្ខណៈឯកជននេះ ត្រូវបានរក្សាទុកជាអនុស្សាវរីយ៍ ដោយអ្នកថតរូបក្នុងសម័យសង្គ្រាម ជនជាតិអង់គ្លេសម្នាក់ មានឈ្មោះថា Edward Dean ដែលបានចូលទៅក្នុងត្រង់សេក្រោមដី ស្ថិតក្នុងទីក្រុងប៊ែរឡាំង របស់ ហ៊ីត្លែរ រយៈពេលប៉ុន្មានសប្ដាហ៍ ក្រោយពេលមេដឹកនាំផ្ដាច់ការរូបនេះ និងភរិយា បានធ្វើអត្តឃាតនៅទីនោះ នៅចុងបញ្ចប់នៃសង្គ្រាម (ថ្ងៃទី៣០ ខែមេសា ឆ្នាំ១៩៤៥)។ នៅគ្រានោះ ទាហានរុស្ស៊ីម្នាក់ បានប្រើកូនកាំបិតជាប់កាំភ្លើង គាស់សោទូនៅក្នុងបន្ទប់ដេករបស់ពួកគេ ហើយបានរកឃើញ អាល់ប៊ុមរូបថតនោះ ជាមួយនឹង ដបទឹកអប់ រួមទាំង ខោក្នុង ផងដែរ។

ក្រោយមក លោក Edward បានលក់អាល់ប៊ុមរូបថតនោះ ឲ្យទៅអ្នកប្រមូលទិញម្នាក់ នៅក្នុងឆ្នាំ១៩៨០ ហើយវាក៏ត្រូវបានលក់បន្ត ឲ្យទៅអ្នកប្រមូលទិញម្នាក់ផ្សេងទៀត ដែលបច្ចុប្បន្នកំពុងដាក់លក់វានៅកន្លែងដេញថ្លែ៕