សេដ្ឋីប្រាក់លាននៅវៀតណាម កើនឡើងក្នុងអត្រាខ្ពស់បំផុតលើលោក

2017-03-04 04:09:31
ចំនួនមតិ 0 | ចំនួនចែករំលែក 0

ចន្លោះមិនឃើញ

សេដ្ឋីមានទឹកប្រាក់លានដុល្លារ នៅប្រទេសវៀតណាមបានកើនឡើងក្នុងអត្រាខ្ពស់បំផុតលើលោក។ បច្ចុប្បន្ន ប្រទេសអាស៊ានមួយនេះ មានមនុស្ស ២០០នាក់ ដែលបានវិនិយោគក្នុងរង្វង់ទឹកប្រាក់យ៉ាងតិច ៣០លានដុល្លារ។

របាយការណ៍របស់ Knight Frank ចក្រភពអង់គ្លេស បានបង្ហាញថា ចំនួនសេដ្ឋីដែលមានការវិនិយោគទឹកប្រាក់រាប់លានដុល្លារនេះ បានកើនឡើង ៣២០ភាគរយ ក្នុងចន្លោះឆ្នាំ ២០០០ ដល់ ២០១៦ ដែលជាអត្រាកំណើតខ្ពស់បំផុតលើលោក។ អត្រាកំណើននៅប្រទេសលំដាប់បន្ទាប់គឺ ឥណ្ឌា ២៩០ភាគរយ និងចិន ឈរលេខ៣ មាន ២៨១ភាគរយ។

អត្រាកំណើននេះ ត្រូវគេរំពឹងថា នឹងបន្តឡើងខ្ពស់ដល់ ៥៤០ភាគរយ នៅឆ្នាំ ២០២៦ ដែលនៅតែជាអត្រាខ្ពស់បំផុតលើលោក។ ចំពោះសេដ្ឋីប្រាក់លាននៅវៀតណាម អាចនឹងកើនឡើងពី ១៤៣០០នាក់ ទៅ ៣៨៦០០នាក់ ក្នុងរយៈពេលដូចគ្នានេះ។

តាមរបាយការណ៍បានបង្ហាញទៀតថា ជនជាតិវៀតណាមដែលវិនិយោគទឹកប្រាក់យ៉ាងតិច ៣០លានដុល្លារ មានដល់ទៅ ២០០នាក់នៅក្នុងឆ្នាំ២០១៦ ហើយទឹកប្រាក់នោះមិនរាប់បញ្ចូលទ្រព្យផ្ទាល់ខ្លួនដូចជាដីធ្លី ឬផ្ទះសម្បែងឡើយ៕

មើលតារាងអត្រាកំណើនខាងក្រោម៖