កូនស្រីច្បងរបស់ ដូណាល់ ត្រាំ ទាំងស្អាត និងឆ្លាត ឯប្រវត្តិក៏មិនធម្មតាដែរ

2017-03-10 08:15:55
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Ivanka Trump គឺជាកូនស្រីទី១ និងសំណព្វចិត្តរបស់ប្រធានាធិបតីអាមេរិក ដូណាល់ ត្រាំ និង តារាម៉ូដែល Ivana Trump។ អ្នកស្រីធ្លាប់បានឆ្លងកាត់បទពិសោធន៍ជាច្រើន ដូចជា ធ្វើអាជីវកម្ម ដើរម៉ូត អ្នកសង្គមនិយម ហើយបច្ចុប្បន្នគឺជា ទីប្រឹក្សាដ៏សំខាន់ម្នាក់ នៅក្នុងសេតវិមានទៀតផង។

ខាងក្រោមនេះគឺជាប្រវត្តិមួយចំនួនរបស់អ្នកស្រី Ivanka Trump៖

#១ អ្នកស្រី Ivanka Trump បានកើតនៅក្នុងទីក្រុង Manhattan នៅថ្ងៃទី៣០ ខែតុលា ឆ្នាំ១៩៨១

#២ អ្នកស្រី Ivanka Trump បានចូលរៀន នៅឯសាលា Chapin School ដែលមានតែសិស្សស្រីប៉ុណ្ណោះ និងជាសាលាដែលអតីតជំទាវទី១ អាមេរិក លោកស្រី Jackie Kennedy រៀនផងដែរ ស្ថិតក្នុងទីក្រុង Manhattan សហរដ្ឋអាមេរិក

#៣ ក្រោយមក អ្នកស្រី Ivanka បានចេញទៅរៀននៅឯសាលាឯកជន Choate Rosemary Hall ស្ថិតក្នុងរដ្ឋ Connecticut (សាលាដែលអតីតប្រធានាធិបតីអាមេរិក ទី៣៥ លោក John F. Kennedy ធ្លាប់រៀន)

#៤ នៅក្នុងខែឧសភា ឆ្នាំ១៩៩៧ ពេលដែលអ្នកស្រី Ivanka មានអាយុ១៥ឆ្នាំ អ្នកស្រីបានចាប់ផ្តើមអាជីពជាតារាម៉ូដែល ដោយថតរូបដាក់លើទំព័រមុខ ទស្សនវដ្តី «Seventeen»

#៥ នៅក្នុងឆ្នាំ២០០៤ អ្នកស្រី Ivanka បានបញ្ចប់ការសិក្សាផ្នែកសេដ្ឋកិច្ច នៅឯសកលវិទ្យាល័យ Georgetown University និង University of Pennsylvania

#៦ នៅក្នុងឆ្នាំ២០០៥ អ្នកស្រី Ivanka បានជួប លោក Jared Kushner (បច្ចុប្បន្នជាទីប្រឹក្សាជាន់ខ្ពស់របស់ប្រធានាធិបតីអាមេរិក ដូណាល់ ត្រាំ) ដែលកើតក្នុងត្រកូលអ្នករកស៊ីអចលនទ្រព្យដូចគ្នា ហើយពួកគេក៏ចាប់ផ្ដើមស្គាល់គ្នាចាប់ពីពេលនោះមក

#៧ ចំណង់ចំណូលចិត្តពិតរបស់អ្នកស្រី គឺមុខជំនួញរបស់គ្រួសារ ដោយអ្នកស្រីបានបម្រើការងារជាផ្លូវការឲ្យឪពុក (លោក ត្រាំ) នៅក្នុងឆ្នាំ២០០៥ បន្ទាប់ពីបញ្ចប់ការសិក្សា នៅមហាវិទ្យាល័យ

#៨ នៅក្នុងឆ្នាំ២០០៧ អ្នកស្រី Ivanka ដែលមានកម្ពស់ ១,៨០ម៉ែត្រ បានដើរម៉ូតឲ្យ ក្រុមហ៊ុនខោខោវប៊យ Versace

#៩ អ្នកស្រី Ivanka ទទួលបានមរតកជំនួញពីឪពុក ដោយក្លាយជាអ្នកដឹកនាំការចរចារបស់ក្រុមហ៊ុន Trump National Doral Miami ដែលមានតម្លៃ រហូតដល់ទៅ ១ពាន់លានដុល្លារ

#១០ នៅក្នុងឆ្នាំ២០០៩ លោកស្រី Ivanka បានបញ្ចេញសៀវភៅ «The Trump Card» ដែលជាការបំផុសគំនិត លើផ្នែកអាជីវកម្ម ដោយផ្អែកលើបទពិសោធន៍ពិតរបស់អ្នកស្រី ខណៈសៀវភៅទី២ «Women Who Work» កំពុងត្រៀមចេញ នៅថ្ងៃទី០២ ខែឧសភា ឆ្នាំ២០១៧ ខាងមុខនេះ

#១១ នៅថ្ងៃទី២៥ ខែធ្នូ ឆ្នាំ២០០៩ អ្នកស្រី Ivanka បានរៀបការជាមួយ លោក Jared Kushner

#១២ ក្រៅពីជួយក្រុមហ៊ុន Trump Organization អ្នកស្រី Ivanka បានចាប់ផ្ដើមប្រមូលទិញគ្រឿងអលង្ការ នៅក្នុងឆ្នាំ២០០៧ និងបង្កើតម៉ូដ ព្រមទាំងម៉ាកយីហោផ្ទាល់ខ្លួន ដែលមានឈ្មោះថា «Ivanka Trump Collection»

#១៣ អ្នកស្រី Ivanka ជាធម្មតាតែងចាប់ផ្ដើមការងារ នៅម៉ោង ៦កន្លះព្រឹក

#១៤ អ្នកស្រីធ្លាប់បានទទួលស្គាល់ថា អ្នកស្រីជាមនុស្សអាត្មានិយមដូចឪពុក

#១៥ អ្នកស្រី Ivanka ទទួលបានពានរង្វាន់ជាច្រើន ចំពោះអាជីវកម្មរបស់អ្នកស្រី ក្នុងរយៈពេលប៉ុន្មានឆ្នាំមកនេះ ហើយត្រូវបានវេទិកាសេដ្ឋកិច្ចពិភពលោក World Economic Forum ឲ្យរហស្សនាមអ្នកស្រីថាជា មេដឹកនាំសកលវ័យក្មេង (Young Global Leader) ទៀតផង កាលពីឆ្នាំ២០១៤

#១៦ បន្ទាប់ពីបញ្ចប់ការបោះឆ្នោត អ្នកស្រី Ivanka និងស្វាមី គឺ លោក Jared បានផ្លាស់មករស់នៅក្នុងទីក្រុងវ៉ាស៊ីនតោនវិញ ហើយបានលះបង់អាជីវកម្មជាច្រើនរបស់ពួកគេ ឲ្យប្អូនប្រុសរបស់អ្នកស្រីមើលការខុសត្រូវជំនួសវិញ