Emma Watson និង Amanda Seyfried ចាប់ផ្តើមលេងធម៌ក្តៅហើយ

2017-03-16 09:51:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្តែងស្រី Emma Watson និង Amanda Seyfried ត្រូវបានរាយការណ៍ថា បានចាត់វិធានការតាមផ្លូវច្បាប់ បន្ទាប់ពីរូបថតរបស់តារាស្រីទាំងពីរនេះ បានបែកធ្លាយលើប្រព័ន្ធអនឡាញ។

បើតាមភ្នាក់ងារតារាវ័យក្មេង Emma បាននិយាយថា៖ "រូបថតរបស់ Emma ពេលសំលៀកបំពាក់ ដែលបានថតជាមួយអ្នករចនាម៉ូដកាលពីប៉ុន្មានឆ្នាំមុនត្រូវបានលួចហើយ"។ អ្នកនាំពាក្យរូបនេះបានបន្តទៀតថា៖ "រូបថតទាំងនោះមិនមែនជារូបអាក្រាតទេ។ មេធាវីបានធ្វើការលើរឿងនេះហើយ ហើយខាងយើងក៏មិនអាចអធិប្បាយអ្វីវែងឆ្ងាយដែរ។"

ចំណែកឯខាង តារាសម្ដែង Amanda Seyfried វិញមិនទាន់បានបកស្រាយលើបញ្ហា នៃការបែកធ្លាយនេះទេ។ ទោះបីជាយ៉ាងណាក៏ដោយ ខាងវិបសាយ TMS បានរាយការណ៍ថា មេធាវីរបស់តារាស្រីរូបនេះ បានធ្វើការទាក់ទងទៅកាន់ វិបសាយដែលមានរូបភាពទាំងនោះហើយ និងតម្រូវឲ្យលុបរូបនោះចេញជាបន្ទាន់។

Ryan Collins និង Edward Majerczyk ត្រូវបានកាត់ទោសឲ្យជាប់គុក ដោយសារហេតុការណ៍ដែលបានកើតឡើងកាលពីឆ្នាំ ២០១៤ ។ បុរស២នាក់នោះ ត្រូវបានចោទប្រកាន់ ពីបទលុកលុយ គណនី តារាជាច្រើន និងចូលលួចព័ត៌មានផ្ទៃក្នុងទៀតដូចជា រូបអាក្រាតជាដើម៕

ប្រភព៖ Huffingtonpost ប្រែសម្រួល៖ យី សុធារី