Hamilton យល់ថា Ferrari ជាក្រុមអាចឈ្នះពានពិភពលោករដូវកាលនេះ
- 2017-03-23 09:23:17
- ចំនួនមតិ 0 | ចំនួនចែករំលែក 0
Hamilton យល់ថា Ferrari ជាក្រុមអាចឈ្នះពានពិភពលោករដូវកាលនេះ
ចន្លោះមិនឃើញ
Lewis Hamilton កំពូលកីឡាករប្រណាំងរថយន្ត F1 ដែលបើកឲ្យក្រុម Mercedes បានលើកឡើងថា ក្រុមគូប្រជែងរបស់ខ្លួន Ferrari ដែលមានកីឡាករឆ្នើម Sebastian Vettel ជាអ្នកបើក អាចនឹងឈ្នះពានពិភពលោកឆ្នាំ២០១៧នេះ បន្ទាប់ពីពួកគេបង្ហាញសមត្ថភាពដ៏អស្ចារ្យ ពេលសាកល្បង។
“Ferrari ជាក្រុមដែលមានល្បឿនលឿនបំផុតបច្ចុប្បន្ននេះ។ ពួកគេពិតជាក្រុមដែលមានភាគរយច្រើនជាងគេ ដែលអាចឈ្នះពានឆ្នាំនេះ។ ចំណាត់ថ្នាក់ពួកគេពេលសាកល្បង ពិតជាអស្ចារ្យ។ ពួកគេជាក្រុមដែលលឿនបំផុតពេលសាកល្បង ដូច្នេះពេលដល់ការប្រកួតនៅចុងសប្ដាហ៍នេះ វាពិតជាចាប់អារម្មណ៍បំផុត"។ ម្ចាស់ជើងឯកពិភពលោក ៣សម័យកាល Hamilton បានប្រាប់ដល់ Sky F1។
ការប្រណាំងរថយន្ត F1 នឹងចាប់ផ្តើមរដូវកាលថ្មីនៅថ្ងៃសៅរ៍ចុងសប្ដាហ៍នេះ លើទីលាន Australian GP ប្រទេសអូស្ត្រាលី ខណៈដែល Hamilton របស់ក្រុម Mercedes, Vettel ក្រុម Ferrari និង Fernando Alonso របស់ក្រុម McLaren-Honda សុទ្ធតែមានជំនឿចិត្តខ្លាំងដូចគ្នា ថានឹងអាចយកឈ្នះពានជើងឯកពិភពលោកនេះបាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
