សមាជិក​ក្រុម​ចម្រៀង​នារី​កូរ៉េ Girl Generation នាង​ Jung Soo-yeon ឈ្មោះ​ក្រៅ​ Jessicaកំពុង​លេច​លឺ​ដំណឹង​ថា ត្រៀម​ខ្លួន​ចូល​រោង​ការ​ឆាប់ៗ​នេះ​ហើយ ជាមួយ​អ្នក​ជំនួញ​វ័យ​ក្មេង សញ្ជាតិ​កូរ៉េ-អាមេរិក Tyler Kwon ។

សារ​ព័ត៌មាន​ប្រទេស​ចិន Shu Nam Zi Xian បាន​ចុះ​ផ្សាយ​កាល​ពី​ថ្ងៃ​ទី​១០​ ថា តារា​ចម្រៀង​ស្រី វ័យ​២៥​ឆ្នាំ Jessica ​បាន​បង្កើត​ទំនាក់​ទំនង​ និង​កំពុង​ឈាន​ទៅ​ដល់​រៀប​អាពាហ៍ពិពាហ៍​ ជាមួយ​ អ្នក​ជំនួញ​វ័យ​ ៣៤​ឆ្នាំ​ម្នាក់​ សញ្ជាតិ​កូរ៉េ- អាមេរិក​គឺ​លោក​​ Tyler Kwon  ។ ​​ថ្មីៗ​នេះ គេ​ឃើញ​ Tyler Kwon បាន​បង្ហោះ​រូប​ចិញ្ចៀន​មួយ​គូ នៅ​ក្នុង​ប្រអប់ ដោយ​សរសេរ​ពាក្យ​ថា "I do" នៅ​លើ​គណនី Weibo ។

កាល​ពី​ថ្ងៃ​ទី​៦ កន្លង​ទៅ Jessicaបាន​ទៅ​ចូល​រួម​ព្រឹត្តិការណ៍​ជួប​អ្នក​គាំ​ទ្រ​របស់ ក្រុមហ៊ុន​ផលិត​សំលៀក​បំពាក់​ LiNing នៅ​ប្រទេស​ចិន ដោយ​ឃើញ​មាន​អាណាព្យាបាល​របស់​ នាង និង​ Tyler Kwon ចូល​រួម ក្នុង​កម្មវិធី​នោះ​ដែរ ។  តែ​បន្ទាប់​ពី​នោះ​​ Tyler Kwon បាន​​ចេញ​មក​​បដិសេធ​ថា ​នោះ​មិន​មែន​ជា​រឿង​ពិត​នោះ​ទេ។​ ​ហើយ​ចិញ្ចៀន​ដែល​គេ​ឃើញ​គឺ​ចិញ្ចៀន​នៅ​ក្នុង​រឿង​ "Best Man" ​នោះ​ទេ។

អ្នក​ទាំង​ពីរ មាន​ទំនាក់​ទំនង​ជាមួយ​គ្នា​អស់​រយៈ​ពេល​មួយ​ឆ្នាំ​មក​ហើយ ម៉្យាង​ទៀត​កន្លង​មក​តែង​តែ​ឃើញ​អ្នក​ទាំង​ពីរ​ពាក់​ចិញ្ចៀន​គូ​ស្នេហ៍​ដូច​គ្នា តែ​ផលិត​កម្ម​SM ដែល​ជា​អាណាព្យាបាល​របស់​ Jessica ធ្លាប់​បដិសេធ​កាល​ពី​ខែ មិនា ថា​ពួក​គេ​គ្រាន់​តែ​ជា​មិត្ត​ភក្តិ​ជិត​ស្និទ្ធ​ប៉ុណ្ណោះ។

ប្រែ​សម្រួល៖ វាចារ ប្រភព៖ allkpop