អ្នកគ្រូផេនស៊ីមិនចង់បានកូន ដោយសារហេតុផលហួសចិត្តមួយ

2017-04-10 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាង ១០ឆ្នាំហើយដែលគូស្នេហ៍របស់តារាកំប្លែងមិនចេះរីងស្ងួត Tukky Sudarat ឫអ្នកគ្រូផេនស៊ី និងគូស្នេហ៍បណ្ដូលចិត្ត បានស្រលាញ់គ្នា។

កាលពីថ្ងៃទី ២៥ ខែធ្នូ ឆ្នាំ ២០១៦ គូស្នេហ៍អ្នកទាំង២ ក៏បានដឹកដៃគ្នាចូលរោងការ និង សាងសុភមង្គលយ៉ាងមានក្ដីសុខ ដោយមានការសាទរពី គ្រួសារ មិត្តភ័ក្ដិ និងអ្នកគាំទ្រជាច្រើន។ ចាប់តាំងពីចាប់ដៃគ្នាជាគ្រួសារមក តារាកំប្លែងថៃ Tukky និងស្វាមី បានខិតខំរកចំណូលតាមចំណេះជំនាញដែលខ្លួនមាន។ អ្នកគ្រូផេនស៊ី ក្រៅពីអាជីពជាអ្នកសិល្បៈ នាងក៏មានជំនួញផ្ទាល់ខ្លួនជាមួយស្វាមីផងដែរ។

បើទោះបីជារៀបការអស់រយៈពេលជិតកន្លះឆ្នាំក៏ដោយ ក៏ប្ដីប្រពន្ធរបស់ Tukky មិនទាន់មានគម្រោងយកកូនដែរ ដោយសារចង់ទុកពេលសម្រាក បន្ទាប់ពីប្រឹងប្រែងធ្វើការអស់រយៈពេលជាច្រើនឆ្នាំ។ មួយវិញទៀត មូលហេតុដែលអ្នកគ្រូផេនស៊ីមិនចង់យកកូន គឺដោយសារ នាងខ្លាច ខ្លួនមិនមានសមត្ថភាពល្អគ្រប់គ្រាន់ក្នុងការបីបាច់ថែរក្សាក្មេង។ ទោះបីមិនទាន់ គិតគូររឿងកូនចៅ ក៏ពិតមែន ក៏គូស្នេហ៍ទាំង២ តែងមានពេលវេលារីករាយ និងមានក្ដីសុខក្នុងជីវិតប្ដីប្រពន្ធរបស់ពួកគេដែរ៕