បណ្ដុំនំខេកអាពាហ៍ពិពាហ៍ធំៗ មានខ្លះតម្លៃជាងកន្លះលានដុល្លារ

2017-04-14 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នំខេក គឺជានំដ៏ពេញនិយមសម្រាប់ពិធីអាពាហ៍ពិពាហ៍របស់បណ្ដាប្រទេសលោកខាងលិច ក៏ដូចជាប្រទេសមួយចំនួននៅអាស៊ីដែរ ដោយកូនកំលោះកូនក្រមុំចង់បានដើម្បីទាក់ទាញការចាប់អារម្មណ៍ពីភ្ញៀវចូលរួម។

នំខេកតូច ឬធំ គឺអាស្រ័យទៅតាមចំណង់ចំណូលចិត្តកូនកំលោះកូនក្រមុំ និងភាពមានបានរបស់ពួកគេ។ សម្រាប់អ្នកមាន អ្នកជំនួញ ឬលំដាប់មហាសេដ្ឋីតែងតែជ្រើសរើសយកនំខេកធំៗ ច្រើនជាន់ទោះវាមានតម្លៃថ្លៃបន្តិចក៏ដោយ។

Le Novelle Cake ជាក្រុមហ៊ុនទទួលកុម្ម៉ង់ធ្វើនំខេកលក្ខណៈគ្រួសារនៅប្រទេសឥណ្ឌូណេស៊ីប្រាប់ថា ពួកគេធ្វើនំខេកខ្ពស់ៗ ៧ ទៅ ៩ជាន់ មានរាងដូចវិហារនៅជប៉ុន ប្រាសាទកំពូលច្រើន មានតម្លៃចាប់ពី ៥ពាន់ដុល្លារ ដល់ ៥០ម៉ឺនដុល្លារ។

ក្រុមហ៊ុនខាងលើធ្លាប់ធ្វើនំថ្លៃបំផុត គឺមានដាំពេជ្រ ១០០គ្រាប់ ជាមួយតម្លៃជាង ៥០ម៉ឺនដុល្លារអាមេរិក។ បើតាមប្រភព នំធំៗប្រភេទនេះ ពួកគេត្រូវចំណាយពេលប្រមាណមួយខែទើបធ្វើរួចរាល់ ដោយប្រើរថយន្តដឹកទំនិញច្រើនបំផុត ៥គ្រឿង និងមនុស្ស ៨នាក់ ដើម្បីដឹកជញ្ជូនដល់កន្លែងពិធី។ សូមទស្សនាបណ្ដុំនំខេកអាពាហ៍ពិពាហ៍ខាងក្រោម៖