ទិដ្ឋភាពខ្លោចចិត្តប្រជាជនស៊ីរីត្រូវជម្លៀសចេញទាំងឡានៗពីតំបន់សង្គ្រាម

2017-04-20 04:49:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធផ្សព្វផ្សាយរបស់យោធាស៊ីរីរាយការណ៍ថា ការជម្លៀសប្រជាជនស៊ីរីរាប់ពាន់នាក់ចេញទីតំបន់ចំនួន ៤ កំពុងបន្តយ៉ាងសស្រាក់សស្រាំ ទោះមានការគំរាមកំហែង។

រូបភាពផ្ដល់សិទ្ធិដោយ Reuters

ការជម្លៀសនេះ គឺរបស់ប្រជាជនមកពីភូមិគាំទ្ររដ្ឋាភិបាលចំនួន ២ និងទីក្រុងចំនួន ២ កាន់កាប់ដោយបក្សប្រឆាំង ដែលធ្លាប់ត្រូវរារាំងដោយការបំផ្ទុះគ្រាប់បែកកាលពីថ្ងៃសៅរ៍សម្លាប់អ្នកភៀសខ្លួនចំនួន ១២០នាក់ ក្នុងនោះមានកុមារ ៦០នាក់ ម្ដងហើយ។

តាមប្រភពខាងលើបន្ថែមថា អ្នកភូមិក្នុងទីក្រុង al-Foua និង Kefraya ប្រមាណ ៣០០០ នាក់បន្តចាកចេញតាមរថយន្តក្រុង ៤៥ គ្រឿងទៅកាន់ទីក្រុងអាឡេប (Aleppo) ដែលកាន់កាប់ដោយរដ្ឋាភិបាលស៊ីរីកាលពីថ្ងៃពុធម្សិលមិញ។

ក្រៅពីនេះមានរថយន្តក្រុង ១១គ្រឿងផ្សេងទៀតដឹកសកម្មប្រយុទ្ធបក្សប្រឆាំងចេញពីទីក្រុង Madaya និង Zabadani ឆ្ពោះទៅកាន់ខេត្ត Idlib ភាគខាងជើង ដែលកាន់កាប់ដោយពួកឧទ្ទាម។

ក្រុមអង្កេតការណ៍សិទ្ធិមនុស្សស៊ីរីបានអះអាងថា ទាហានប្រដាប់អាវុធមានប្រមាណ ៨០០នាក់មកពីទាំងពីរភាគី បានធ្វើដំណើរអមជាមួយប្រជាជនពេលជម្លៀសផងដែរ៕