ភ្លេចកុមារអាយុ ៦ឆ្នាំក្នុងរថយន្ត ៣ម៉ោង រហូតថប់ដង្ហើមគ្នាស្លាប់
- 2017-04-24 08:52:02
- ចំនួនមតិ 0 | ចំនួនចែករំលែក 0
ភ្លេចកុមារអាយុ ៦ឆ្នាំក្នុងរថយន្ត ៣ម៉ោង រហូតថប់ដង្ហើមគ្នាស្លាប់
ចន្លោះមិនឃើញ
ក្មេងប្រុសជនជាតិម៉ាឡេស៊ីអាយុ ៦ ឆ្នាំម្នាក់ បានស្លាប់បាត់បង់ជីវិតដោយសារថប់ដង្ហើម បន្ទាប់ពីត្រូវគេទុកចោលក្នុងរថយន្តរយៈពេល ៣ ម៉ោងដោយអ្នកបើកបរមិនចាប់អារម្មណ៍។
កុមារ Duhammad Iqram Danish និងកុមារ ៣នាក់ផ្សេងទៀតបានជិះរថយន្តទៅសាលារៀនមតេ្តយ្យនៅទីក្រុង Gombak ប្រទេសម៉ាឡេស៊ី កាលពីម៉ោង ២ល្ងាច ថ្ងៃសុក្រទី ២១មេសា ឆ្នាំ ២០១៧។
ក្មេងតូចនេះបានអង្គុយនៅជួរកៅអីខាងក្រោយ តែបានដេកលក់ពេលកំពុងជិះនៅសាលារៀន។ ពេលទៅដល់សាលា អ្នកបើកបរវ័យ ២១ឆ្នាំ ហាក់មិនចាប់អារម្មណ៍ក៏បានយកក្មេងតែបីនាក់ចេញដោយភ្លេចកុមាររងគ្រោះ រួចបើកត្រលប់មកផ្ទះវិញ។ ពេលមកដល់ផ្ទះ គាត់បានទុករថយន្តនៅកន្លែងចំណត និងចាក់សោទ្វារចោលទាំង Iqram នៅក្នុងរថយន្ត ខណៈអាកាសធាតុក្ដៅខ្លាំង។
អ្វីគួរឲ្យសោកស្ដាយ គឺនៅម៉ោង ៥ល្ងាច គេប្រទះឃើញកុមារនេះ បាត់បង់ស្មារតីនៅកៅអីជួរក្រោយ រួចគេប្រញាប់បញ្ជូនទៅកាន់មន្ទីរពេទ្យ Sungai Buloh តែគ្រូពេទ្យអះអាងថាក្មេងនេះបានស្លាប់ដោយសារកម្ដៅបាត់ហើយ។ ពេលនេះអាជ្ញាធរកំពុងស៊ើបអង្កេតករណីធ្វេសប្រហែសចំពោះកុមារផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
