ថ្មីៗ​នេះ​ក្រៅពីបានប្រកាសចេញកុំព្យូទ័រដៃ​ថ្មីម៉ូដែល Surface Laptop ហើយ Microsoft ក៏​បាន​បញ្ចេញ Mouse ពិសេសដែលអាច​បត់​បាន​​ផង​ដែរ។

Mouse ដែល​បង្ហាញ​​មាន​ឈ្មោះ​ថា Surface Arc Mouse ដែល​ជា​ការ​អាប់ដេត​​ថ្មីចេញ​ពី Mouse ម៉ូដែល Arc Touch Mouse ដែល​មាន​លក្ខណៈពិសេសអាចបត់បានដូចគ្នា។ Mouse ជំនាន់​ថ្មី​មាន​លក្ខណៈពិសេសខុសពីមុន​ត្រង់​ថា​លែង​មាន​ប៊ូតុងសម្រាប់​ Click ឆ្វេង/ស្ដាំ និង ប៊ូតុង Scroll ទៀត​ហើយ។ ជំនួសមកវិញគេបានប្រើ​បច្ចេកវិទ្យា​ប៊ូតុង Touch ដែលអាចបញ្ជា​លើ​ការ Click ឆ្វេង/ស្ដាំ និង Scroll បាន។

Mouse នេះ​មាន​បើក​ទទួល​ការ​កុម្ម៉ង់ទិញទុកមុនក្នុងតម្លៃ ៨០ ដុល្លារ ដែល​មាន​ជម្រើស​ពណ៌​ខៀវ, ក្រហម​ក្រមៅ និង ពណ៌​ប្រផេះដែលស៊ីគ្នានឹងពណ៌​ Surface Laptop ហើយមានលក់ផ្លូវការនៅថ្ងៃទី ១៥ ខែមិថុនា ដំណាល​គ្នា​នឹង​ការ​ចេញ​លក់ Surface Laptop ដែរ៕

ប្រភព៖ engadget   ប្រែ​សម្រួល៖ សុខហេង