បទចម្រៀងថ្មីរបស់ Harry Style និយាយពីអនុស្សាវរីយជាមួយ Taylor Swift?

2017-05-12 00:09:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះអ្នកគាំទ្ររបស់តារាចម្រៀង Harry Style សង្ស័យថាបទចម្រៀងថ្មីរបស់លោកដែលមានចំណងជើងថា "Two Ghost” គឺនិយាយពី Taylor Swift។

តារាចម្រៀងប៉ុបដ៏ល្បីរូបទាំងពីររូបបានទាក់ទងគ្នាក្នុងរយៈពេលដ៏ខ្លីមួយ ប៉ុន្តែចំពោះបទចម្រៀងមួយបទរបស់ Taylor Swift នៅក្នុងអាល់ប៊ុម 1989 ដែលមានចំណងជើងថា "Style” គឺនិយាយពី Harry។

ចំពោះពេលនេះ Harry បានឆ្លើយតបទៅវិញចំពោះអ្វីដែល Taylor បានសរសើរខ្លួននៅក្នុងបទចម្រៀង "Style”។

អ្នកគាំទ្រចាប់ផ្ដើមមានប្រតិកម្មនៅពេលដែល Apple បានបង្ហោះនូវការផ្សាយពាណិជ្ជកម្មមួយនៅលើបណ្ដាញសង្គម Instagram ចំពោះឯកសារអាល់ប៊ុមចម្រៀងថ្មីរបស់ Harry Style ដែលនឹងចេញនៅថ្ងៃទី ១៥ ខែឧសភានេះ។

តាមរយៈអត្ថន័យបទចម្រៀង"Lyrics” ដែលសរសេរថា "red lipstick” គឺនិយាយពី Taylor Swift ដោយសារតែតារារូបនេះចូលចិត្តលាបក្រែមពណ៌ក្រហមឆ្អិនឆ្អៅ។ មិនត្រឹមតែប៉ុណ្ណោះអ្នកគាំទ្រសង្ឃឹមថាអ្វីដែលគេគិតនោះគឺជាការពិត ដោយថែមទាំងប្រៀបធៀបនូវ Lyrics ក្នុងបទចម្រៀងថ្មីនេះរបស់ Harry នឹងបទចម្រៀង "Style” របស់ Taylor ទៀតផង។

ម្យ៉ាងទៀតចំពោះបទចម្រៀងថ្មីរបស់ Harry ដែលមានចំណងជើងថា "Ever Since New York” អាចជាបទចម្រៀងដែលឆ្លើយតបទៅនឹងបទ "Welcome to New Your” របស់ Taylor Swift ផងដែរ។ អាល់ប៊ុមដំបូងរបស់ Harry Style នឹងបញ្ចេញនៅថ្ងៃសុក្រសប្ដាហ៍នេះហើយ៕