ឆ្នាំពន្លឺស្ដាប់ទៅរាងជ្រៅ ប៉ុន្តែតាមពិតស្រួលយល់ន័យណាស់
- 2017-05-17 03:33:44
- ចំនួនមតិ 0 | ចំនួនចែករំលែក 0
ឆ្នាំពន្លឺស្ដាប់ទៅរាងជ្រៅ ប៉ុន្តែតាមពិតស្រួលយល់ន័យណាស់
ចន្លោះមិនឃើញ
ឆ្នាំពន្លឺគឺជាខ្នាតដែលអ្នកវិទ្យាសាស្ត្រនិយមប្រើសម្រាប់វាស់រយៈចម្ងាយឆ្ងាយៗ ដូចជាចម្ងាយពីភពមួយទៅភពមួយ ឬ ចម្ងាយពីកាឡាក់ស៊ីមួយទៅកាឡាក់ស៊ីមួយជាដើម។ មានមនុស្សជាច្រើននៅតែមិនទាន់ដឹងច្បាស់ថា ឆ្នាំពន្លឺ ស្មើនឹងប៉ុន្មានគីឡូម៉ែត្រ ហើយគេបានប្រើវាតាំងពីពេលណា។
ឆ្នាំពន្លឺគឺជាចម្ងាយដែលពន្លឺអាចធ្វើដំណើរបានក្នុងរយៈពេលមួយឆ្នាំ ហើយក្នុងមួយវិនាទីពន្លឺអាចធ្វើដំណើរបានជិត ៣០០ ០០០ គីឡូម៉ែត្រឯណោះ។ ដូចនេះក្នុងមួយឆ្នាំពន្លឺអាចធ្វើដំណើរបានចម្ងាយប្រមាណ ៩ ៥០០ ០០០ ០០០ ០០០ គីឡូម៉ែត្រ។ និយាយឲ្យស្រួលស្ដាប់ទៅមួយឆ្នាំពន្លឺគឺប្រមាណជា ១០ លានលានគីឡូម៉ែត្រ។
មូលហេតុនាំឲ្យមានការប្រើខ្នាតឆ្នាំពន្លឺនេះព្រោះតែរយៈចម្ងាយក្នុងលំហអាកាសពិតជាធំមហិមាមែនទែន ប្រសិនបើប្រើត្រឹមខ្នាតគីឡូម៉ែត្រពិតជាពិបាកខ្លាំង។ ជាក់ស្ដែងចម្ងាយពីកាឡាក់ស៊ីរបស់យើង (កាឡាក់ស៊ី Milky Way) ទៅកាន់កាឡាក់ស៊ី Andromeda គឺ ២១ ០០០ ០០០ ០០០ ០០០ ០០០ ០០០ គីឡូម៉ែត្រ។ គ្រាន់តែឃើញលេខសូន្យក៏ចង់វិលមុខដែរ ហេតុនេះទើបគេប្រើខ្នាតឆ្នាំពន្លឺជំនួស វិញ។
ឆ្នាំ ១៦៧៦ លោក Ole Rømer អ្នកវិទ្យាសាស្ត្រសញ្ជាតិដាណឺម៉ាក ជាអ្នកដែលអាចប៉ាន់ស្មានពីចម្ងាយដែលពន្លឺអាចធ្វើដំណើរក្នុងរយៈពេល ១ ឆ្នាំដំបូងគេ។ ចំណែកការប្រើខ្នាតឆ្នាំពន្លឺនេះកើតមានឡើងក្រោយ ២ ទៅ ៣ ឆ្នាំនៃការវាស់រយៈចម្ងាយពីដួងផ្កាយមួយទៅកាន់ព្រះអាទិត្យដោយជោគជ័យជាលើកដំបូងនៅឆ្នាំ ១៨៣៨ ដោយតារាវិទូសញ្ជាតិអាល្លឺម៉ង់លោក Friedrich Bessel តាមរយៈការប្រើឧបករណ៍វាស់ចម្ងាយផ្កាយដែលមានទំហំ ៦,២ អ៊ីញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
