ចូលមើលបណ្ដាញរូងក្រោមដីដែលមនុស្សរាប់រយនាក់រស់នៅ គេចពីគ្រាប់បែករបស់ ហ៊ីត្លែ

2017-05-18 08:29:59
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពគួរឲ្យភ្ញាក់ផ្អើលជាច្រើនសន្លឹកត្រូវគេបង្ហាញឲ្យដឹងពីបណ្ដាញផ្លូវរូងក្រោមដីដែលជាកន្លែងស្នាក់នៅរបស់ជនជាតិអង់គ្លេសរាប់រយនាក់ ដើម្បីគេចចេញពីការទម្លាក់គ្រាប់បែករបស់មេដឹកនាំផ្ដាច់ការអាល្លឺម៉ង់ ណាហ្ស៊ី ហ៊ីត្លែ កាលសង្គ្រាមលោកលើកទី២។

បើតាមប្រភព រូងនេះមានប្រវែង ៤គីឡូម៉ែត្រ និងកន្លែងជ្រៅបំផុតមានជម្រៅ ២៧ម៉ែត្រ។ សំណង់នេះជីកដោយដៃ និងប្រើពេលជាង ៩ខែ ដែលគេមើលទៅដូចជាទីក្រុងមួយអីចឹង។

មនុស្សប្រមាណ ៣០០គ្រួសារ បានរស់នៅក្នុងរូងក្រោមដីរាប់ខែទាំងមិនដែលឃើញពន្លឺព្រះអាទិត្យ។ ពលរដ្ឋរស់នៅទីក្រុង Kent ភាគខាងអាគ្នេយ៍ប្រទេសអង់គ្លេស ត្រូវបានគេជ្រើសរើសឲ្យមករស់នៅក្រោមដីបណ្ដោះអាសន្ន បន្ទាប់ពីមានគ្រាប់បែកជាង ៥០០គ្រាប់បានធ្លាក់ចំទីក្រុងត្រឹមរយៈពេល ៥នាទី កាលពីថ្ងៃទី ២៤សីហា ឆ្នាំ ១៩៤០។

បណ្ដាញរូងនេះមានមន្ទីរពេទ្យ បង្គន់ជាច្រើន ហាងលក់ដូរ និងកន្លែងប្រគំតន្ត្រីផង។ ចំណុចខ្លះក្នុងរូងនេះ មានមនុស្សរស់នៅប្រមាណ ១០០០នាក់ឯណោះកាលសម័យនោះ។ បច្ចុប្បន្នរូងខាងលើ ត្រូវបានគេបើកទទួលភ្ញៀវទេសចរឲ្យចូលទស្សនាតាំងពីឆ្នាំ ២០១៤ ៕