Neymar ត្រូវជម្រុះចេញពីបញ្ជីក្រុមជម្រើសជាតិ ពេលជួបអាហ្សង់ទីនខែក្រោយ

2017-05-20 02:25:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធឆ្នើម Neymarនិងកំពូលកីឡាករប្រេស៊ីលសំខាន់ជាច្រើនទៀតត្រូវបានជម្រុះចេញពីបញ្ជីក្រុមជម្រើសជាតិ សម្រាប់ការប្រកួតមិត្តភាពជាមួយក្រុមជម្រើសជាតិអាហ្សង់ទីននិងអូស្ត្រាលី។ នេះតាមសម្ដីលោក Tite គ្រូជម្រើសជាតិប្រេស៊ីល។

ហេតុផលដែលដែល Neymar និងមិត្តរួមក្រុមសំខាន់ផ្សេងទៀតមិនជាប់ជម្រើសជាតិ ព្រោះ លោក Tite ចង់ឲ្យពួកគេសម្រាកលំហែកាយជាលើកដំបូងចាប់តាំងពីឆ្នាំ២០១០។ កីឡាករល្អរបស់ Barcelona បានចូលរួមលេង១កម្មវិធីរៀងរាល់រដូវក្ដៅ ចាប់តាំងពីពាន Copa America ឆ្នាំ២០១១។

Marquinhos, Miranda, Marcelo និង Dani Alves ក៏ត្រូវឲ្យសម្រាកដូចគ្នា ប៉ុន្តែពួកគេក៏ត្រូវបម្រុងសម្រាប់ប្រកួតជាមួយអូស្ត្រាលីដែរ ប្រសិនជាក្រុមត្រូវការចាំបាច់។ ក្នុងតំណែងរបស់កីឡាករទាំងអស់នេះ លោក Tite បានកោះហៅ Jemerson ខ្សែការពារកណ្ដាលរបស់ក្រុម Monaco និង Rodriguinho ឲ្យចូលជម្រើសជាតិជាលើកដំបូង។ Taison របស់ Shakhtar Donetsk , David Luiz និង Gabriel Jesus ក៏មានឈ្មោះដែរ។