Sanchez មូរជើងខោហាត់ដាច់ជើងចោលពេល ត្រៀមស៊ី Chelsea នៅ FA Cup

2017-05-25 06:49:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Alexis Sanchez ប្រឹងប្រែងហ្វឹកហាត់យ៉ាងខ្លាំងក្លា ដើម្បីត្រៀមជំនួបរវាង Arsenal និង Chelsea ក្នុងវគ្គផ្ដាច់ព្រ័ត្រ FA Cup នៅថ្ងៃសៅរ៍សប្ដាហ៍នេះ។

Arsenal បានធ្លាក់ចេញពីតំណែងលេងនៅ Champions League នៅសប្ដាហ៍ចុងក្រោយក្នុងលីគ ក្រោយមិនអាចដណ្ដើមលេខ៤ជាមួយ Liverpool ប៉ុន្តែពួកគេនៅតែបន្តជួបជុំក្រុមកីឡាករដើម្បីត្រៀមពាន FA Cup ដែលត្រូវលេងក្នុងកីឡដ្ឋាន Wembley នៅថ្ងៃទី ២៧ ខែ ឧសភានេះ។

អំឡុងពេលហ្វឹកហាត់ Sanchez បង្ហាញកាយវិការប្រឹងប្រែងខ្លាំង មូរជើងខោ ពាក់អាវវាលរត់ប្រកួតសមជាមួយមិត្តរួមក្រុមយ៉ាងស្វាហាប់។ មូលហេតុដែរកីឡាករសញ្ជាតិឈីលីប្រឹងប្រែងបែបនេះ ដោយសារជាកម្លាំងដ៏សំខាន់របស់ក្រុមលោក Arsene Wenger។

រឿងដែលគួរឲ្យបារម្ភមួយសម្រាប់ Arsenal ពេលនេះគឺ Alexis Sanchez មិនទាន់យល់ព្រមចុះកិច្ចសន្យាថ្មីជាមួយក្លឹបនេះឡើងទេ ខណៈក្រុមធំៗជាច្រើនសុទ្ធចង់បានគេ។ ប្រសិនជា Sanchez ចាកចេញពិតមែន នោះការប្រកួតទល់នឹង Chelsea នៅសប្ដាហ៍នេះគឺជាការប្រកួតចុងក្រោយនៅ Arsenal របស់គេហើយ៕