Mark Zuckerberg លែងមានឈ្មោះជាមហាសេដ្ឋីគ្មានសញ្ញាប័ត្រទៀតហើយ
- 2017-05-26 01:46:33
- ចំនួនមតិ 0 | ចំនួនចែករំលែក 0
Mark Zuckerberg លែងមានឈ្មោះជាមហាសេដ្ឋីគ្មានសញ្ញាប័ត្រទៀតហើយ
ចន្លោះមិនឃើញ
លោក Mark Zuckerberg ធ្លាប់បានបោះបង់ការសិក្សានៅឆ្នាំទីពីរពីសកលវិទ្យាល័យ Harvard ដើម្បីបន្តងាកទៅផ្ដោតលើការបង្កើតបណ្ដាញសង្គមយក្ស Facebook រហូតដល់ក្លាយជាមហាសេដ្ឋីទឹកប្រាក់ពាន់លានដុល្លារ។ ចំណុចនេះហើយធ្វើឲ្យ Mark ជាប់ឈ្មោះជាមហាសេដ្ឋីគ្មានសញ្ញាប័ត្រសកលវិទ្យាល័យ។
យ៉ាងណាក្ដីកាលពីយប់ម្សិលមិញ (ម៉ោងនៅអាមេរិក) Mark Zuckerberg បានត្រឡប់ទៅទទួលសញ្ញាប័ត្រកិត្តិយសនៅឯសកលវិទ្យាល័យ Harvard រួមទាំងបានឡើងថ្លែងសុន្ទរកថាបញ្ចប់ការសិក្សាទៀតផង។
នៅអំឡុងពេលចាប់ផ្ដើមទទួលសញ្ញាប័ត្រ Mark បាននិយាយទៅកាន់ក្រុមនិស្សិតថា ៖ «ប្រព័ន្ធរបស់យើងហាក់ដូចជាមានចំណុចខុសឆ្គងត្រង់ចំណុចណាមួយ ដោយខ្ញុំអាចចាកចេញពីទីនេះដើម្បីរកចំណូលបានពាន់លានដុល្លារក្នុងពេល ១០ ឆ្នាំ។ ចំណែកឯសិស្សរាប់លាននាក់ទៀតមិនទាំងអាចរកប្រាក់បង់ថ្លៃសាលាបានផង។ មានមនុស្សតែម្នាក់អាចចាប់ផ្ដើមអាជីវកម្មរបស់ខ្លួនបាន»។ មហាសេដ្ឋីវ័យ ៣៣ ឆ្នាំបន្តថា ៖ «នៅពេលដែលអ្នកគ្មានសេរីភាពក្នុងការយកគំនិតរបស់ខ្លួនទៅបង្កើតជាអ្វីដែលអស្ចារ្យមួយ នោះយើងជាអ្នកខាតបង់»។
Mark ហាក់ទទួលបានសញ្ញាប័ត្រកិត្តិយសលឿនជាងលោក Bill Gates ដែលបានបោះបង់ការសិក្សាទៅបង្កើតក្រុមហ៊ុន Microsoft នៅឆ្នាំ ១៩៧៥ ប៉ុន្តែរហូតដល់ឆ្នាំ ២០០៧ ទើបទទួលបានសញ្ញាប័ត្រកិត្តិយស៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
