“Juventus ការពារខ្លាំងមែន ប៉ុន្តែចំណុចខ្សោយនៅតែមាន” Ronaldo

2017-05-28 02:29:10
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់តែ១សប្ដាហ៍ទៀតប៉ុណ្ណោះ ការប្រកួតផ្ដាច់ព្រ័ត្រ UEFA Champions League នឹងឈានមកដល់ហើយ រវាងក្រុម Juventus និង Real Madrid ។

មុនការប្រកួតចាប់ផ្ដើម គេសង្កេតមើលឃើញថា Juventus មានប្រព័ន្ធការពារខ្លាំង បូករួមជាមួយអ្នកចាំទីល្អថែមទៀត ដែលនេះអាចនឹងធ្វើឱ្យក្រុម Real Madrid ពិបាកយកឈ្នះជាក់ជាមិនខាន។ ផ្ទុយពីនេះវិញ កីឡាករដែលគេឱ្យឈ្មោះថាម៉ាស៊ីនរកគ្រាប់បាល់របស់ Real គិតថាក្រុមមកពីអ៊ីតាលីមួយនៅតែមានចំណុចខ្សោយដដែល។

Ronaldo ដឹងច្បាស់ថា Juventus ការពារខ្លាំង ព្រោះពួកគេមានកីឡាករមានបទពិសោធច្រើនក្នុងការប្រកួតកម្មវិធីធំៗ ប៉ុន្តែពួកគេនៅតែមានចំណុចខ្សោយដដែល ទោះជាល្អប៉ុណ្ណាក៏ដោយ។ "កីឡាករ Real ទាំងអស់ តែងតែចង់បង្កើតប្រវត្តិសាស្ត្រនៅ UEFA ។ យើងនឹងមានការប្រកួតដែលពិបាក ប៉ុន្តែយើងជា Madrid ដូច្នេះយើងដឹងពីរបៀបដើម្បីយកឈ្នះ។ លើកនេះ ក៏មិនខុសពីលើកមុនប៉ះ Atletico Madrid ដែរ វាអាស្រ័យទៅលើយើងល្អប៉ុណ្ណា”។ សម្ដី Ronaldo ។

Real Madrid ក្រោមការដឹកនាំរបស់លោក Zidane ទើបតែលើកពាន La Liga ក្រោយពីខកខានអស់រយៈពេល៤រដូវកាលមកហើយ។ ដោយឡែកក្រុមដែលរកគ្រាប់បាល់បានគ្រប់ប្រកួតមួយនេះ រំពឹងថានឹងធ្វើបានល្អទៀត ដើម្បីការពារតំណែងជើងឯក UEFA Champions League ឱ្យបាន ព្រោះពានរង្វាន់មួយនេះ មិនធ្លាប់មានក្រុមណាការពារតំណែងជើងឯកបាននោះទេ៕

ចុចអាន៖

ឃើញប៉ុណ្ណឹងទាយត្រូវទេ ថាជាជើងមហាកម្លាំងរបស់កីឡាករណា?

Barcelona យកពាន Copa del Rey ជូនដំណើរលោក Luis Enrique ចេញពីតំណែង

ទ័ពសងសឹកវេស្ទើនបានសម្រេច ខណៈ Tiger ស្មើស្វាយរៀង

ប្រភព៖ Marca ប្រែសម្រួល៖ មុន្នីរម្យ