Gionee S10 កាមេរ៉ាភ្លោះ ៤ គ្រាប់ បំពាក់ RAM 6GB តម្លៃក្រោម iPhone 7 ឆ្ងាយ

2017-05-29 02:54:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនប្រទេសចិន Gionee ហាក់បីពុំទទួលបានភាពល្បីល្បាញខ្លាំងក្នុងវិស័យស្មាតហ្វូនដូចក្រុមហ៊ុនដៃគូក្នុងស្រុក ប៉ុន្តែពួកគេនៅតែមានគំនិតច្នៃប្រឌិតបង្កើតឡើងនូវអ្វីដែលថ្មី។

ដូចកាលពីខែមេសាកន្លងទៅ ពួកគេធ្លាប់ចេញលក់ម៉ូដែល M6S មានថាមពលថ្មដល់ទៅ 6,020mAh។ ដោយឡែកថ្មីៗនេះ ក៏បន្តលេចចេញមួយម៉ូដែលទៀត S10 មានកាមេរ៉ាភ្លោះ ៤ គ្រាប់ដោយខាងមុខ ២ គ្រាប់និងខាងក្រោយ ២ គ្រាប់។

S10 មានបំពាក់អេក្រង់ទំហំ ៥,៥ អ៊ីញកម្រិត 1080p ដែលមាន RAM ទំហំ 6GB និងអង្គចងចាំ 64GB ។ គួបផ្សំការបំពាក់ឈីបល្បឿនលឿន MediaTek Helio P25 និងមានថាមពលថ្មធំ 3,450mAh ហើយដំណើរការលើ Android 7.0 Nougat ។ និយាយពីផ្នែកកាមេរ៉ាក្រោយវាជាកាមេរ៉ាភ្លោះ ទំហំ 16+8MP ដោយមួយគ្រាប់មាន Aperture F/1.8 ដែលអាចជួយក្នុងការថតនៅទីតាំងងងឹត រីឯខាងមុខទំហំ 20+8MP ។

លក្ខណៈសម្បត្តិប៉ុននេះ សូមសរសើរថាគ្រាន់បើ ចំណែកឯតម្លៃក៏មិនខុសពីស្មាតហ្វូនក្រុមហ៊ុនចិនដទៃៗប៉ុន្មានដែរ ដោយថ្លៃ ៣៨០ ដុល្លារ (២,៥៩៩ យន់) ហើយមានលក់ជាសាធារណៈក្នុងពេលបច្ចុប្បន្ននៅប្រទេសចិនផ្ទាល់។

ប្រភព៖ Androidauthority ប្រែសម្រួល៖ កៅ រក្សា