ថៃជាប់លេខ៥៦ វៀតណាមជាប់លេខ៣១ និយាយអង់គ្លេសបានល្អបំផុត ឯកម្ពុជា...

2017-06-02 07:32:44
ចំនួនមតិ 0 | ចំនួនចែករំលែក 0

ចន្លោះមិនឃើញ

គេហទំព័រ Education First បានធ្វើការស្ទាបស្ទង់ទៅលើប្រទេស ចំនួន ៧២ នៅទូទាំងពិភពលោក ដើម្បីស្វែងរកប្រទេស ដែលអាចនិយាយភាសាអង់គ្លេសបានល្អបំផុត។

បើយោងតាមទិន្នន័យដែលទទួលបាន បង្ហាញឲ្យឃើញថា ហូឡង់ បានឈរនៅលំដាប់លេខ១ ជាប្រទេសនិយាយភាសាអង់គ្លេសបានល្អបំផុត តាមពីក្រោយដោយ ប្រទេសដាណឺម៉ាក ឈរនៅលេខ២ និង ប្រទេសស៊ុយអែត ឈរនៅលេខ៣។

ជាមួយគ្នានេះដែរ គេហទំព័រ Education First ក៏បានរកឃើញទៀតថា មនុស្សពេញវ័យ ដែលមានអាយុចន្លោះពី ១៨ ទៅ ២៥ ឆ្នាំ មានជំនាញភាសាអង់គ្លេសខ្លាំងបំផុត នៅទូទាំងពិភពលោក ហើយការប្រើប្រាស់ភាសាអង់គ្លេសរបស់មនុស្សស្រី គឺប្រសើរជាងមនុស្សប្រុស ស្ទើរតែគ្រប់ប្រទេស និងអាយុទាំងអស់តែម្ដង។

បើនិយាយពីបណ្ដាប្រទេសនៅអាស៊ីវិញ សិង្ហបុរី ឈរនៅលើគេបង្អស់ ប៉ុន្តែបានជាប់លេខ៦ ក្នុងចំណោម ៧២ ប្រទេស ខណៈ វៀតណាម ជាប់លេខ ៣១ ថៃ ជាប់លេខ ៥៦ និង កម្ពុជា ជាប់លេខ ៦៩។

គួរបញ្ជាក់ឲ្យដឹងដែរថា កាលពីឆ្នាំ២០១៤ កម្ពុជា បានជាប់លេខ ៦១ ក្នុងចំណោម ៦៣ ប្រទេស , ឆ្នាំ២០១៥ ជាប់លេខ ៦៩ ក្នុងចំណោម ៧០ ប្រទេស និង ឆ្នាំ២០១៦ ជាប់លេខ ៦៩ ក្នុងចំណោម ៦៩ ប្រទេស៕

ខាងក្រោមនេះ គឺជាប្រទេសទាំង ១០ ដែលនិយាយភាសាអង់គ្លេសបានល្អបំផុត ក្នុងចំណោម ៧២ ប្រទេស៖