សង្វៀនអាស៊ីអាគ្នេយ៍បង្ហើបថានឹងដាក់ ឡៅ ចន្រ្ទា ឲ្យប៉ះ ក្រុងថេប

2017-06-02 07:52:23
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមការបង្ហើបឲ្យដឹងពីអ្នករៀបចំកម្មវិធីប្រដាល់របស់សង្វៀនទូរទស្សន៍អាស៊ីអាគ្នេយ៍ថា កីឡាករល្អកែង ខុន ក្រុងថេប បន្ទាប់ពីជួបសងសឹកជា ផល សោភ័ណ្ឌ រួចហើយ ជើងខ្លាំងថៃរូបនេះនឹងត្រូវដាក់ឲ្យជួបអ្នកលេងកែងដូចគ្នាគឺ ឡៅ ចន្រ្ទា ដែលមកពីក្លឹបប្រដាល់ទ័ពពិសេសឆ័ត្រយោង ៩១១ នៅពេលខាងមុននេះ។

លោក ញៀន សុធី

លោក ញៀន សុធី ដែលជាអ្នករៀបចំបានបន្ថែមឲ្យដឹងទៀតថា ការដាក់ឲ្យកីឡាករ ក្រុងថេប ជួប ឡៅ ចន្រ្ទា នេះទៅតាមបំណងអ្នកគាំទ្រមួយចំនួនដែលចង់ឃើញអ្នកទាំងពីរប៉ះគ្នា ហើយណាមួយអាចជាការផ្លាស់ប្ដូរបទពិសោធបន្ថែមដល់កូនសិស្សលោកគ្រូ ហង្ស ស៊ឺន ដើម្បីជាការត្រៀមទុកចេញទៅស៊ីហ្គេមនៅប្រទេសម៉ាឡេស៊ី ខែសីហា ២០១៧ខាងមុខនេះ។

កីឡាករ ឡៅ ចន្រ្ទា

កីឡាករ ខុន ក្រុងថេប

ចំពោះការប៉ះគ្នាថ្ងៃណានោះ អ្នករៀបចំរូបនេះមិនទាន់ប្រាប់ឲ្យដឹងនៅឡើយទេ ដោយគ្រាន់តែបង្ហើយថាអ្នកលេងកែងទាំងពីរនឹងជួបគ្នានៅពេលណាមួយនៅសង្វៀនទូរទស្សន៍អាស៊ីអាគ្នេយ៍។ កីឡាករ ខុន ក្រុងថេប មកប្រកួតនៅកម្ពុជាបាន៤ដង ដោយលើកទី១ផ្ដួល ផល សោភ័ណ្ឌ សន្លប់ទឹកទី១ លើកទី២និងទី៣ ចាញ់ដោយសន្លប់ក្រោមដៃ ឃីម ឌីម៉ា ខណៈលើកទី៤ ឈ្នះពិន្ទុកីឡាករ សូត្រ ប៊ុតធី៕

អត្ថបទ៖ នួន ស៊ីណា