Man City ទិញបានកីឡាកររបស់ Monaco មួយទៀតហើយ!
- 2017-06-02 11:44:56
- ចំនួនមតិ 0 | ចំនួនចែករំលែក 0
Man City ទិញបានកីឡាកររបស់ Monaco មួយទៀតហើយ!
ចន្លោះមិនឃើញ
ក្លឹបមេឃខៀវ Manchester City ទិញបានខ្សែការពារឆ្វេង Benjamin Mendy ពីក្រុម Monaco ហើយក្នុងតម្លៃខ្លួន៣៩,៨លានផោន។
Mendy កីឡាករបារាំងយល់ព្រមទទួលយកប្រាក់នឿយហត់១០ម៉ឺនផោនក្នុងមួយសប្ដាហ៍ ក្នុងកិច្ចសន្យារយៈពេល៥ឆ្នាំជាមួយក្លឹបអ្នកមាន Man City។ Mendy នឹងចុះកុងត្រា និងប្រកាសជាផ្លូវការដោយក្លឹបទាំងពីរ ពេលដែលគេបញ្ចប់ភារកិច្ចរួចរាល់ជាមួយក្រុមជម្រើសជាតិបារាំង។
ទាក់ទិននឹងព័ត៌មាននេះខាងលើ ប្រភពពី Man City ក៏បានចេញមកនិយាយដែរថា៖ "អ្វីគ្រប់យ៉ាងបានយល់ព្រមអស់ហើយរវាងក្លឹបទាំងពីរកាលពីយប់ថ្ងៃព្រហស្បតិ៍។ Mendy និង Man City បានយល់ព្រមលើកិច្ចសន្យាផ្ទាល់ខ្លួនអស់ហើយ។ គេនឹងទទួលបានរង្វាន់បន្ថែម អាស្រ័យលើការជួយក្រុមឈ្នះពាន។ អ្វីៗនឹងផ្លូវការ ពេលដែលគេចប់ការងារជាមួយជម្រើសជាតិ"។
Mendy ជាកីឡាករទី២ដែលក្រុមមានមូលដ្ឋានក្នុងទីក្រុង Manchester មួយនេះទិញក្នុងរដូវក្ដៅនេះ បន្ទាប់ពីកីឡាករ Bernardo Silva បានផ្ទេរមកក្នុងតម្លៃ៤៣លានផោន។ ត្រឹមមួយសប្ដាហ៍ប៉ុណ្ណោះ ក្រុមលោក Pep Guardiola បានចំណាយលុយប្រាក់អស់១២០លានផោន នាំយកកីឡាករ៣រួមទាំងចាំទីប្រេស៊ីល Ederson ពីក្លឹប Benfica៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
