ក្រោយ​ពី​បាន​ឈ្នះ​ពាន​រង្វាន់ UEFA Champions League ​នេះ​ហើយ ​ក្លឹប Real Madrid ​និង​កីឡាករ Cristiano Ronaldo ​បាន​បង្កើត​កំណត់ត្រា​ជា​ច្រើន​ដែល​សឹង​តែ​គ្មាន​នរណា​ធ្វើ​ដូច​ទៅ​ហើយ។ កំណត់ត្រា​ទាំង​អស់​នោះ​រួម​មាន៖

• Real Madrid ​ជា​ក្រុម​តែ​មួយ​គត់​ក្នុង​ប្រវត្តិសាស្ត្រ UCL ​ការពារ​តំណែង​ជើង​ឯក​បាន

គ្មាន​ក្រុម​ណា​មួយ​អាច​ការពារ​តំណែង​ជើង​ឯក Champions League ​នោះ​ទេ ប៉ុន្តែ​រដូវកាល​នេះ Real Madrid ​បាន​ធ្វើ​វា​រួច​ហើយ ​ឱ្យ​ពិភព​លោក​ដឹង​ថា​ក្រុម​មួយ​នេះ​ធ្វើ​ក៏​អាច​ធ្វើ​បាន​ដែរ។

• Real Madrid ​ជា​ក្រុម​ជោគជ័យ​បំផុត​នៅ UCL

នេះ​ជា​ការ​ឈ្នះ​លើក​ទី​១២​ហើយ​សម្រាប់​ក្រុម Real Madrid ​ហើយ​ក៏​ជា​ក្លឹប​ដែល​ឈ្នះ​ពាន​រង្វាន់​មួយ​នេះ​បាន​ច្រើន​ជាង​គេ​បំផុត​ផង​ដែរ។

• Real Madrid ​ក្លាយ​ជា​ក្រុម​រក​គ្រាប់​បាល់​គ្រប់​ការ​ប្រកួត​រដូវកាល​នេះ

ក្លឹប Real Madrid ​ ​ក្លាយ​ជា​ក្រុម​រក​គ្រាប់​បាល់​គ្រប់​ការ​ប្រកួត​រដូវកាល​នេះ ពោល​គឺ​ពេញ​១​រដូវ​កាល​តែ​ម្ដង ដែល​ពួកគេ​អាច​រក​គ្រាប់​បាល់​បាន​គ្រប់​ការ​ប្រកួត​ដែល​ចូល​ប្រកួត។

• Ronaldo ​ក្លាយ​ជា​កីឡាករ​រក​បាន​៦០០​គ្រាប់​ក្នុង​អាជីព

២​គ្រាប់​ក្នុង​វគ្គ​ផ្ដាច់ព្រ័ត្រ​នេះ ​បាន​ធ្វើ​ឱ្យ​គេ​ក្លាយ​ជា​កីឡាករ​រក​បាន​៦០០​គ្រាប់​ហើយ​ក្នុង​អាជីព​ជា​កីឡាករ​បាល់ទាត់​ម្នាក់។

• Ronaldo ​ក្លាយ​ជា Top Scorer ​នៅ UCL

​ខ្សែ​ប្រយុទ្ធ​រូប​នេះ​បាន​ក្លាយ​ជា​កីឡាករ​រក​គ្រាប់​បាល់​បាន​ច្រើន​ជាង​គេ​បំផុត​នៅ UCL ​រដូវ​កាល​នេះ ​ពោល​គឺ​រក​បាន​១២​គ្រាប់ ​លើស​ដៃ​គូ​ប្រជែង Lionel Messi ​រក​បាន​១១​គ្រាប់៕

ប្រភព៖ UEFA   ប្រែ​សម្រួល៖ មុន្នីរម្យ