“យើង​បាន​បង្ហាញ​អ្នក​រាល់​គ្នា​ឱ្យ​ឃើញ​ហើយ​ថា ហេតុ​អ្វី​យើង​ជា​ក្រុម​ជើង​ឯក​អាច​ការពារ​តំណែង​នេះ​បាន ហេតុ​អ្វី​យើង​គឺ​ជា​ក្រុម​ល្អ​ជាង​គេ ​យើង​តែងតែ​ធ្វើ​បាន​ល្អ​បំផុត” សម្ដី​របស់ Ronaldo ​ក្រោយ​ពី​ជួយ​ក្រុម​ឈ្នះ Juventus ​៤-១ ​នៅ​ Champion League ។

Ronaldo ​បង្ហាញ​ទម្រង់​លេង​ល្អ​មែនទែន​សម្រាប់​ការ​ប្រកួត​ខាង​លើ​នេះ ដោយ​រូបគេ​រក​បាន​២​គ្រាប់​ម្នាក់​ឯង ​និង​ចុះ​ពី​តំបន់​ប្រយុទ្ធ​មក​ជួយ​ក្រុម​ដល់​តំបន់​ការពារ​បាន​យ៉ាង​ល្អ​ថែម​ទៀត​ផង។ ក្រោយ​ពី​សម្រេច​ជោគជ័យ​ជួយ​ក្រុម​ឈ្នះ​នេះ​ហើយ ​ខ្សែ​ប្រយុទ្ធ​វ័យ​៣២​ឆ្នាំ​រូប​នេះ បាន​បញ្ជាក់​ថា​ក្រុម​របស់​ខ្លួន​គឺ​ជា​ក្រុម​ល្អ​ជាង​គេ ​សក្ដិសម​នឹង​ទទួល​បាន​ពាន​រង្វាន់​មួយ​នេះ​ហើយ។

ក្រោយ​ពី​ជួយ​ក្រុម​លើក​ពាន​នេះ​ទៅ Ronaldo ​ក៏​បាន​បង្កើត​ជា​កំណត់ត្រា​ផ្ទាល់​ខ្លួន​ច្រើន​ផង​ដែរ ដូចជា​ ​ក្លាយ​ជា Top Scorer ​នៅ UCL ​និង​ក្លាយ​ជា​កីឡាករ​ដែល​បាន​៦០០​គ្រាប់​ក្នុង​អាជីព​ទៀត​ផង៕

ប្រភព៖ Marca   ប្រែ​សម្រួល៖ មុន្នីរម្យ