Griezmann បញ្ជាក់ច្បាស់ៗថានឹងនៅ Atletico រដូវកាលក្រោយ

2017-06-05 01:05:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Antoine Griezmann បានបញ្ជាក់ថានឹងនៅលេងឲ្យ Atletico Madrid រដូវកាលក្រោយ ទោះជាមានពាក្យចចាមអារ៉ាមជាច្រើនផ្សាយថារូបគេទំនងពីចាកចេញពីក្លឹប។

Griezmann

ការសម្រេចចិត្តនៅបន្តជាមួយក្លឹបដែលមានមូលដ្ឋានក្នុងទីក្រុងម៉ាឌ្រីដ ត្រូវខ្សែប្រយុទ្ធខាងលើបកស្រាយថាដោយសារក្លឹបកំពុងជួបបញ្ហាហាមមិនឲ្យទិញកីឡាករថ្មីចូលនៅរដូវកាលក្រោយដូច្នេះ Griezmann មិនអាចចាកចេញក្នុងស្ថានភាពបែបនេះបានទេ។

“Atletico កំពុងស្ថិតក្នុងស្ថានភាពដ៏ពិបាកបំផុត ដូច្នេះបើសិនជាចាកចេញវាហាក់ដូចជាអាក្រក់ពេក។ ពួកយើងបាននិយាយជាមួយថ្នាក់ដឹកនាំរបស់ក្លឹបហើយ យើងនឹងប្រឹងប្រែងកាន់តែខ្លាំងជាងមុននៅរដូវកាលក្រោយ"។ អ្នកនាំលេងសញ្ជាតិបារាំងនិយាយដូច្នេះ។

មួយរយៈចុងក្រោយ Griezmann ត្រូវប្រភពព័ត៌មាននានាចុះផ្សាយថាយល់ព្រមលក្ខខណ្ឌផ្ទាល់ខ្លួនទៅចូលរួមជាមួយ Manchester United របស់អង់គ្លេសដែលកំពុងជួបវិបត្តិខ្សែប្រយុទ្ធប៉ុន្តែយ៉ាងណាក៏ដោយសាមីខ្លួនពេលនេះសម្រេចចិត្តនៅជាមួយ Atletico៕