ប្រទេស៤ កាត់ផ្ដាច់ទំនាក់ទំនងពីប្រទេសកាតា ក្រោយរកឃើញគាំទ្រក្រុមភេរវក
- 2017-06-05 08:07:01
- ចំនួនមតិ 0 | ចំនួនចែករំលែក 0
ប្រទេស៤ កាត់ផ្ដាច់ទំនាក់ទំនងពីប្រទេសកាតា ក្រោយរកឃើញគាំទ្រក្រុមភេរវក
ចន្លោះមិនឃើញ
ប្រទេសអារ៉ាប៊ីសាអូឌីត អេហ្ស៊ីប បារ៉ែន និងអារ៉ាប់រួម បានផ្ដាច់ទំនាក់ទំនងការទូតពីប្រទេសកាតា ដោយចោទប្រកាន់ថា បានធ្វើឲ្យអស្ថិរភាពក្នុងតំបន់។
ប្រទេសទាំងបួនបាននិយាយថា កាតាបានគាំទ្រក្រុមភេរវកនានារួមទាំងក្រុមរដ្ឋឥស្លាមជ្រុលនិយម (IS) ផង។ សារព័ត៌មានរដ្ឋអារ៉ាប៊ីសាអូឌីត SPA បានផ្សាយថា រដ្ឋាភិបាលបានបិទព្រំដែនរបស់ខ្លួន ផ្លូវគោក ផ្លូវសមុទ្រ និងផ្លូវអាកាសជាមួយប្រទេសកាតាស្ទើរទាំងស្រុង។ មន្ត្រីរដ្ឋាភិបាលលើកឡើងថា គឺដើម្បីការពារសន្តិសុខសុវត្ថិភាពពីគ្រោះថ្នាក់នៃភេរវកម្ម និងក្រុមជ្រុលនិយម។
ចំណាត់ការមិនធ្លាប់មាននេះ កើតឡើងនៅរយៈពេល ២សប្ដាហ៍ បន្ទាប់ពីប្រទេសទាំង៤ បានបិទទំព័រព័ត៌មាននានាចេញពីប្រទេសកាតា។ ការបិទនេះដែរ បានធ្វើឲ្យនាយករដ្ឋមន្ត្រីកាតា រិះគន់អារ៉ាប៊ីសាអ៊ូឌីត និងចាត់ទុកថា ជារឿងប្រឌិត និងជារបាយការណ៍ឧក្រិដ្ឋកម្មតាមប្រព័ន្ធអ៊ីនធឺណិតគួរឲ្យអាម៉ាស់។
ចំណាត់ការខ្លះៗរបស់ប្រទេសខាងលើរួមមាន៖
ប្រទេសអារ៉ាប់រួមទុកពេល ៤៨ម៉ោង ឲ្យមន្ត្រីទូតកាតាចាកចេញពីប្រទេស ដោយចោទថាកាតាគាំទ្រ និងឧបត្ថម្ភដល់សកម្មភាពភេរវកម្ម ជ្រុលនិយម និងអង្គការជាច្រើន។
ជើងហោះហើររដ្ឋអារ៉ាប៊ីសាអ៊ូឌីត Etihad Airways ថា ខ្លួននឹងព្យួរគ្រប់ជើងហោះហើរចេញពីក្រុងដូហា ចាប់ពីម៉ោង ២៖៤៥រសៀលនៅថ្ងៃអង្គារស្អែក។
បារ៉ែន បានកាត់ផ្ដាច់ទំនាក់ទំនងជាមួយកាតា ព្រោះទីក្រុងដូហា បានធ្វើឲ្យរង្គោះរង្គើសន្តិសុខ និងស្ថិរភាពប្រទេសបារ៉ែន និងបានចូលជ្រៀតជ្រែកកិច្ចការផ្ទៃក្នុងរបស់ខ្លួន។
ចំណែករដ្ឋមន្ត្រីការបរទេសអាមេរិកលោក Rex Tillerson បានមានប្រសាសន៍ពីទីក្រុងស៊ីដនី ប្រទេសអូស្ត្រាលី ដោយជំរុញឲ្យប្រទេសទាំងនេះដោះស្រាយបញ្ហាតាមរយៈការសន្ទនា។ គួរបញ្ជាក់ថា កាតាក៏ជាសម្ព័ន្ធមិត្តជិតស្និតរបស់សហរដ្ឋអាមេរិកដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
