ដែល​ឆ្ងល់​អត់ ពេល​ឃើញ​គេ​ប្រើ​ទូរ​ទឹកកក​ទ្វារ​មួយ និង​ទ្វារ​ពីរ ថា​វា​ខុស​គ្នា​ម៉េច​ខ្លះ? អ្នក​ខ្លះ​ទិញ ដោយ​យល់​ថា​ធំ​ទូលាយ​ស្រួល ដាក់​របស់របរ​បាន​ច្រើន។ ការ​ពិត មិន​មែន​ប៉ុណ្ណឹង​ទេ! ចង់​ដឹង សូម​អាន​ខាង​ក្រោម៖

• កម្រិត​ត្រជាក់៖ សម្រាប់​ទ្វារ​មួយ ភាព​ត្រជាក់​របស់​វា​មិន​បាន​ត្រជាក់​ស្មើ​គ្រប់​ថត​ឡើយ ខុស​ពី​ទ្វារ​ពីរ ដែល​វា​ត្រជាក់​ស្មើ​សឹង​តែ​គ្រប់​ថត​នៃ​ទូរ​ទឹកកក​តែ​ម្ដង។

• លក្ខណៈ​ពិសេស៖ ក្រៅ​ពី​សមត្ថភាព​ត្រជាក់​ខុស​គ្នា លក្ខណៈ​ពិសេស​ក៏​ជា​ចំណុច​ខុស​គ្នា​របស់​ទូរ​ទឹកកក​ទាំង ២ ប្រភេទ​នេះ​ដែរ ដោយ​ទ្វារ​ពីរ វា​មាន​មុខ​ងារ​ពិសេសៗ ដូចជា ផលិត​ទឹកកក​ស្វ័យប្រវត្តិ​ជាដើម (តាម​ម៉ូដែល)។

• រូបរាង៖ រូប​រាង​ទូរ​ទឹកកក​ទាំង​២ នេះ មើល​ទៅ​ទ្វារ​ពីរ​ទាក់​ទាញ និង​ស្រស់​ស្អាត​ជាង តែ​ស្រស់​ស្អាត​សម្រាប់​អ្នក​ដែល​មាន​ផ្ទះ​ធំ​ទូលាយ​ដែរ​ទេ បើ​មិន​អ៊ីចឹង ច្បាស់​ជា​ដាក់​ទៅ​មិន​សូវ​សម ហើយ​ចង្អៀត។

• តម្លៃ៖ មិន​បាច់​ប្រាប់​ ក៏​ទាយ​ដឹង​ថា ទ្វារ​ពីរ​មាន​តម្លៃ​ថ្លៃ​ជាង ហើយ​ភ្លើង​ក៏​ស៊ី​ច្រើន​ជាង​ដល់​ទៅ ១,៥ គីឡូ​វ៉ាត់​ក្នុង​មួយ​ថ្ងៃ​សម្រាប់​ទូរ​ទឹកកក​ខ្លះ។

អ៊ីចឹង​បើ​សិន​អ្នក​មិន​សូវ​គិត​ពី​តម្លៃ ឬ​រឿង​ស៊ី​ភ្លើង ទ្វារ​ពីរ​អាច​ជា​ជម្រើស​អ្នក តែ​បើ​ផ្ទះ​អ្នក​រាង​តូច ហើយ​អ្នក​បារម្ភ​រឿង​ថ្លៃ​ភ្លើង គួរ​តែ​ពិចារណា​ទូរ​ទឹកកក​ទ្វារ​មួយ៕