ម៉ូតូ CS 110 ស៊េរី ២០១៧ ដាក់លក់ផ្លូវការនៅខ្មែរ តម្លៃល្មមទិញជិះ

2017-06-09 09:47:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Benelli Keeway ម៉ូឌែល CS កម្លាំងម៉ាស៊ីន ១១០ សេសេចេញឆ្នាំ ២០១៧ ដែលទើបដាក់ផ្លូវការនៅលើទីផ្សារក្នុងស្រុកថ្មីៗ ជាមួយតម្លៃតែ ៧៥០ ដុល្លារ។

អ្នកគ្រប់គ្រងទូទៅប្រចាំហាងនាំចូលផ្លូវការ បានឲ្យដឹងថា CS 110 ស៊េរីឆ្នាំ ២០១៧ នេះមានការរចនាតួខ្លួនរូបរាងរបស់វា តូចស្រាលងាយស្រួលសម្រាប់ជិះធ្វើដំណើរ មានប្រព័ន្ធហ្រ្វាំងថាសអាចបញ្ឍប់ម៉ូតូបានរហ័ស ជាពិសេសតម្លៃរបស់វានឹងធ្វើការដាក់លក់ក្នុងតម្លៃ ៧៥០ ដុល្លារហើយចំពោះថ្ងៃចេញលក់ផ្លូវការដំបូងត្រឹម ៦៩០ ដុល្លារ។

CS 110 ស៊េរីឆ្នាំ ២០១៧ ជាប្រភេទម៉ូតូប្រើចង្កឹះលេខ កម្លាំងម៉ាស៊ីន ១១០ សេសេ មានប្រព័ន្ធបេនសាំង ភ្លើងចង្កៀងមុខក្រោយភ្លឺច្បាស់ ស៊ីញ៉ូមុខឆ្វេងស្ដាំ ប្រើអំពូល LED ឯតួរបស់វារឺងមាំ ទម្ងន់ស្រាលត្រឹមតែ ៩៨ គីឡូក្រាម ម៉ូតូស្ទុះបានល្អ បត់បែនរហ័សទាន់ចិត្ត ងាយស្រួលបើកបរគ្រប់ស្ថានភាពផ្លូវ។

ម៉ូតូមានបំពាក់មកជាមួយហ្វ្រាំងមុខជាប្រភេទថាសហ្វ្រាំងបូម ទំហំ ២២០ ម.ម អាចបញ្ឍប់ម៉ូតូបានរហ័ស ចំណែកគ្រឿងបន្លាស់វិញត្រូវនឹងគ្រឿងបន្លាស់ម៉ូតូម៉ាកផ្សេងៗទៀត ហើយអាចរកទិញបានយ៉ាងងាយស្រួលលើទីផ្សារក្នុងស្រុក។