សន្ទុះ​នៃ​អាជីវកម្ម​លក់​ទំនិញ Online កំពុង​រីក​រាលដាល​ក្នុង​ Facebook ធ្វើ​ឲ្យ​អ្នក​រកស៊ី​ជា​ច្រើន​បាន​បង្វែរ​ទៅ​បង្កើត​ជា​ទំព័រ​ (Page) ផ្ទាល់​ខ្លួន​ ដើម្បី​កំណត់​អត្តសញ្ញាណ​ជាក់លាក់​មួយ​នៃ​អាជីវកម្ម​។

Sabay ធ្លាប់​ឃើញ​ប្រិយមិត្ត​មួយ​ចំនួន នៅ​មិន​ទាន់​ចេះ​ពី​វិធី​បង្កើត​ Page ដោយ​ខ្លួន​ឯង​ទេ ហើយ​ត្រូវ​ទៅ​រក​ជាង​ឫ​អ្នក​ចេះ រហូត​ពេល​ខ្លះ​ទាមទារ​ចំណាយ​លុយ​​ឱ្យ​គេ ២ ទៅ ៣ ដុល្លារ​។​

+វិធី​បង្កើត​ Page ដោយ​ខ្លួន​ឯង​ នៅ​លើ​ទូរសព្ទ

១.បើក​កម្មវិធី​ Facebook > ត្រង់​ផ្នែក​ខាង​ក្រោម​ចំហៀង​ខាង​ស្តាំ​ចុច​លើ​ប៊ូតុង​ Option (មាន​ត្រេ ៣)​

២.អូស​មក​ក្រោម​រើស​យក​ពាក្យ​ Pages > រើស​យក​ពាក្យ​ Create Page

៣.ចុច​ពាក្យ​ Get Started > វាយ​បញ្ចូល​ឈ្មោះ​ Page ដែល​អ្នក​ចង់​ដាក់​

៤.ដល់​ចំណុច​រើស​ប្រភេទ​នៃ​ Page របស់​អ្នក​ (ឧទាហរណ៍: ​យើង​យក​ Local Businesses) > ចុច​ Next (ត្រង់​ចំណុច​នេះ​ Sabay សូម​ណែនាំ​ឱ្យ​អ្នក​ជ្រើសរើស​យក​ Local Businesses ឫ​ Brands & Products ឫ​ Clothing បើ​អ្នក​កំពុង​បង្កើត​អាជីវកម្ម​ប្រភេទ​លក់​សំលៀកបំពាក់, ឡេ​ម្សៅ ឫ​ទំនិញ​ Online ផ្សេងៗ ព្រោះ​នៅ​ពេល​ដែល​គេ​ Search ក្រុមហ៊ុន​ Facebook នឹង​ចង​​ឈ្មោះ​ទំព័រ​យើង​ទៅ​តាម​ប្រភេទ​ ដែល​ផ្ដល់​ភាព​ងាយ​ស្រួល​និង​រហ័ស​ក្នុង​ការ​ស្វែងរក​ពី​សំណាក់​អតិថិជន​)

៥.ត្រង់​ប្រអប់​ពេញ​បន្ទាប់​ទាក់ទង​នឹង​អាសយដ្ឋាន​ទំនាក់ទំនង​មក​កាន់​យើង​ជា​ម្ចាស់​ទំព័រ​ ដូច​ត្រង់​ Address គួរ​បញ្ចូល​នូវ​អាសយដ្ឋាន​ប្រាកដ​ជាក់លាក់​របស់​អ្នក​, ZIP Code ដាក់​ 855 , Phone Number វាយ​លេខ​ទូរសព្ទ​អ្នក​ធម្មតា​ ឫ​ចុច​ Skip បើ​អ្នក​មិន​ទាន់​ចង់​បំពេញ​នៅ​ពេល​នេះ

៦.ចំណុច​បន្ទាប់​អ្នក​អាច​ដាក់​នូវ​រូបភាព​តាំង Profile ឫ​ Cover ប៉ុន្តែ​សម្រាប់​រូប Cover ពួក​យើង​សូម​ណែនាំ​ឱ្យ​មាន​រូបភាព​ជា​លក្ខណៈ​ការេ ៤ ជ្រុង​ស្មើ​លើ​ស្មើ​ក្រោម ជៀសវាង​រូប​បណ្ដោយ​ដែល​មើល​​ទៅ​មាន​លក្ខណៈ​មិន​ស្តង់ដារ​

៧.ចុច​ Next នោះ​អ្នក​បាន​អនុវត្ត​ជោគជ័យ​ក្នុង​ការ​បង្កើត​ទំព័រ​ Page របស់​ខ្លួន​ហើយ

+វិធី​ប្រើប្រាស់​ Page ឱ្យ​មាន​លក្ខណៈ​ពេញលេញ​:

ជា​ធម្មតា​អ្នក​អាច​បើក​ចូល​មើល​ Page ខ្លួន​ឯង​បាន​ តាម​រយៈ​កម្មវិធី Facebook ប៉ុន្តែ​អ្នក​មិន​អាច​ធ្វើ​ការ​គ្រប់គ្រង​ (Manage) ទៅ​លើ​មុខងារ​សំខាន់ៗ​នៃ​ Page របស់​អ្នក​បាន​ឡើយ​។​ ដូច្នេះ​អ្នក​ត្រូវ​ដំឡើង​កម្មវិធី Page Manager ជា​កម្មវិធី​ផ្លូវការ​របស់ Facebook ពី App Store ឫ​ Google Play Store ជា​មុន​សិន​។​

១.ពេល​ Download រួច​ សូម​វាយ​បញ្ចូល​ Email និង​ Password នៃ​គណនី​ Facebook ដែល​អ្នក​យក​ទៅ​បង្កើត​ Page

២.អ្នក​អាច​ធ្វើ​ការ​បង្ហោះ​, ឆ្លើយ​តប​សារ​ និង​តាម​ដាន​ស្ថិរភាព​របស់​ Page អ្នក​ តាម​រយៈ​ប៊ូតុង​នីមួយៗ ដូច​មាន​ក្នុង​រូបភាព

+អ្វី​ដែល​អ្នក​មិន​គួរ​បង្ហោះ​ក្នុង​ Page:

អ្វី​ដែល​អ្នក​មិន​គួរ​បង្ហោះ​ចែកចាយ​តាម​រយៈ​ Pgae របស់​អ្នក​សោត​យ៉ាង​ដូច​ជា រូបភាព​អាសអាភាស, រូបភាព​ការ​រំលោភ​បំពាន​កុមារ, រូបភាព​ការ​សម្លាប់​ដ៏​ឃោរឃៅ និង​ការ​ចែកចាយ​នូវ Link មួយ​ចំនួន​ផ្សេង​ទៀត ដែល​ពុំ​មាន​ប្រភព​សុវត្ថិភាព​ច្បាស់លាស់​។ កត្តា​ទាំង​នេះ​ហើយ នៅ​ថ្ងៃ​ណា​មួយ​ Facebook នឹង​ធ្វើ​ការ​បិទ​ Page របស់​អ្នក​ឱ្យ​លែង​ដំណើរការ​ឫ​ជួប​បញ្ហា Error ត្រង់​ចន្លោះ​ណា​មួយ​។​​​​​​​​​