Leonardo ៖ បាល់ទាត់មិនគិតមាឌតូចធំទេ មើលតែ Messi ទៅ

2017-06-12 05:07:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo គ្រូបង្វឹកក្រុមជម្រើសជាតិកម្ពុជាបាននិយាយថាលោកមិនខ្វល់ពីបញ្ហាមាឌកីឡាករទេ ព្រោះថាបាល់ទាត់គិតលើបច្ចេកទេស មើលតែ Lionel Messi ទៅដឹងហើយ។

ក្រុមកម្ពុជានឹងត្រូវតតាំងជាមួយអាហ្វហ្គានីស្ថានក្នុងពានរង្វាន់2019 AFC Asian Cup នៅល្ងាចស្អែកនេះនៅពហុកីឡដ្ឋានជាតិ។ ដោយការប៉ះជាមួយក្រុមដែលមានមាឌធំៗនេះ លោក Leo គ្រូខាងកម្ពុជាមិនញញើតនោះទេ ព្រោះលោកគិតថាកីឡាករមិនគិតតែពីមាឌពេកទេ តួយ៉ាងដូចជា Messi ជាដើម។ ខ្សែប្រយុទ្ធក្រុម Barcelona មានមាឌតូច ប៉ុន្តែរូបគេនៅតែអាចធ្វើបានល្អ និងក្លាយជាកីឡាករកំពូលម្នាក់បាន។

ចំពោះលទ្ធផលក្នុងការប្រកួតស្អែកវិញ លោកមិនគិតថាក្រុមរបស់ខ្លួនឈ្នះនោះទេ ប៉ុន្តែក្ដីរំពឹងនោះគឺធ្វើយ៉ាងណាឱ្យល្អបំផុត ដើម្បីអ្នកគាំទ្រទាំងអស់គ្នា។ វត្តមានរបស់លោកនៅកម្ពុជា គឺដើម្បីអភិវឌ្ឍវិស័យបាល់ទាត់ទៅថ្ងៃអនាគតមួយនេះ មិនមែនដើម្បីតែឈ្នះមួយមុខទេ៕

អត្ថបទ៖ មុន្នីរម្យ