បុរសជនជាតិចិនច្នៃកម្ទេចដែក ទៅជារថក្រោះមិនគួរឲ្យជឿ

2017-06-14 07:56:26
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ បានធ្វើឲ្យមនុស្សជាច្រើនកោតសរសើរមិនដាច់ពីមាត់ បន្ទាប់ពីលោកបានបង្កើតរថក្រោះមួយគ្រឿងពីកម្ទេចដែកផ្សេងៗ។

បើតាមប្រភព បុរសរូបនេះ គឺជាមនុស្សមានចំណូលចិត្តខាងគ្រឿងម៉ាស៊ីនបានចំណាយពេលជាច្រើនឆ្នាំច្នៃកម្ទេចដែកទៅជារថក្រោះ និងអស់ប្រាក់ប្រមាណ ៤ ៤០០ដុល្លារអាមេរិក។

លោកមានឈ្មោះ Shi Yangiang អាយុ ៣១ឆ្នាំ ជាជាងម៉ាស៊ីនរស់នៅទីក្រុង Rizhao ខេត្តសានទុង ប្រទេសចិន និងធ្លាប់ធ្វើជាទាហានអស់រយៈពេលជាច្រើនឆ្នាំ។ អតីតយុទ្ធជនរូបនេះ បានជ្រើសរើសអាជីពជាជាងម៉ាស៊ីនព្រោះវាទាក់ទងនឹងយោធា។

គំនិតបង្កើតរថក្រោះផ្ទាល់ខ្លួន គឺកើតមានរយៈពេល ២ឆ្នាំកន្លងទៅហើយ។ លោក Shi បានសិក្សាស្រាវជ្រាវ និងព្រីនចេញជាក្រដាស រួចសម្រេចដើរទិញបន្ទះដែកយានយន្តនានា។ លោកបានចំណាយពេលជាង ៧ខែ ដើម្បីផ្សាផ្គុំទៅជាយានក្នុងក្ដីសុបិនដោយប្រើគ្រឿងបន្លាស់ផ្សេងៗ រួចបាញ់ពណ៌បែបទាហាន។

តើគាត់ចំណេញអ្វីក្នុងការផលិតរថក្រោះចម្លងមួយនេះ? គាត់បានបង្ហើបឲ្យដឹងថា ខ្លួនធ្លាប់ជួលឲ្យអ្នកទេសចរ និងក្រុមផលិតភាពយន្តក្នុងតម្លៃ ១ ៤៧០ដុល្លារ កាលពី ២ឆ្នាំមុន៕ សូមទស្សនារូបភាពរបស់គាត់ខាងក្រោម៖