រថយន្ត Hybrid ប្រយ័ត្នបំផុតគឺអាគុយហ្នឹងហើយ

2017-08-17 02:43:59
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត Hybrid មានទីផ្សារប្រើប្រាស់ឡើង។ ពលរដ្ឋជាច្រើនទំនោរនិយមរថយន្ត Hybrid ដោយសារវាមិនសូវស៊ីសាំង ក៏ដូចជាបានជួយដល់បរិស្ថាន។ យ៉ាងណាអ្នកប្រើប្រាស់រថយន្តប្រភេទ Hybrid ក៏ឧស្សាហ៍ជួបបញ្ហាច្រើនជាពិសេសលើបញ្ហាអាគុយតែម្តង។

រោគសញ្ញាទាំងនេះអាចដាស់តឿនរថយន្តរបស់អ្នកកំពុងមានបញ្ហាអាគុយហើយ។

រថយន្តស៊ីសាំងច្រើនជាងមុន
លោតចេញសញ្ញាផ្សេងៗលើ Screen
ម៉ាស៊ីនដំណើរការមិនល្អជាដើម

ដើម្បីបង្ការ ប៉ុន្មានចំណុចខាងក្រោមនេះអាចជួយធ្វើឲ្យអាគុយរបស់អ្នកប្រើប្រាស់បានយូរ។

១/ ការប្រើប្រាស់ម៉ាស៊ីនត្រជាក់

អ្នកជំនាញជួសជុលរថយន្ត Hybrid បានប្រាប់ឲ្យដឹងថា ការបើកម៉ាស៊ីនត្រជាក់លើសកម្រិត អាចប៉ះពាល់ដល់អាគុយ។ គួរបើកក្នុងកម្រិត Low ត្រឹម 70 ដែលក្រៅពីថែទាំអាគុយប្រើប្រាស់បានយូរ ក៏ជួយសន្សំសំចៃបានមួយកម្រិតដែរ។

២/ ការទុកចោលមិនប្រើប្រាស់

ការទុកចោលមិនប្រើប្រាស់ក៏នាំបញ្ហាដែរ។ អាគុយដែលមិនបានសាកធ្វើឲ្យឆាប់ខ្សោយ។ អ្នកជំនាញឲ្យដឹងបន្តថា គេគួរតែព្យាយាមបើកបរឲ្យបានច្រើន ដើម្បីឲ្យអាគុយមានកម្លាំងខ្លាំង។

៣/ ត្រួតពិនិត្យកម្លាំងអាគុយ

ពិនិត្យកម្លាំងអាគុយព្រោះអាគុយ Hybrid មានអាយុកាលប្រើប្រាស់របស់វា។ ជាទូទៅអាយុកាលអាគុយបានពី ៥ ទៅ ៧ ឆ្នាំឬ ១៥០ ០០០គីឡូម៉ែត្រទៅ ១៨០ ០០០គីឡូម៉ែត្រ។

៤/ មុនចេញធ្វើដំណើរ ត្រូវកម្តៅម៉ាស៊ីន

មុនចេញធ្វើដំណើរ គួរបញ្ឆេះចោល ៥ ទៅ ១០នាទីដើម្បីម៉ាស៊ីននិងអាគុយរត់ស្រួល។

៥/ កុំព្យាយាមបើកបរទាំងដឹងថារថយន្តអស់សាំង

បើបើកបរពេលរថយន្តជិតអស់សាំង អាចបង្កឲ្យអាគុយឆាប់ខូចបំផុតព្រោះកាលណារថយន្តអស់សាំង វានឹងប្រើប្រាស់ប្រព័ន្ធ Hybrid ហើយវានឹងកូប៉េដោយស្វ័យប្រវត្តិក្នុងពេលដល់ខ្លីដែលនឹងនាំប៉ះពាល់យ៉ាងខ្លាំងលើអាគុយ។

៦/ កុំដាក់លេខ N លើរថយន្ត Hybrid

កាលណាដាក់លេខ N វាបានផ្ដាច់ប្រអប់លេខចេញពីម៉ាស៊ីនដូចនេះវាបានប្រើប្រាស់អាគុយសុទ្ធដូចនេះអាចមានបញ្ហាលឿនបំផុតលើអាគុយ Hybrid។

អត្ថបទ៖ វណ្ណៈ