ផលិតករវ័យក្មេងចាប់ដៃជាមួយតារាចម្រៀងម្នាក់បំបែកទីផ្សារភាពយន្តនៅចុងឆ្នាំនេះ

2017-06-20 08:23:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាងហ្វាងផលិតកម្មJH យូអ៊ីន បានថ្លែងប្រាប់Sabay ថានៅចុងឆ្នាំ២០១៧ នេះលោក និងបងធម៌បានចូលហ៊ុនគ្នាផលិតខ្សែភាពយន្តខ្នាតធំមួយរឿងដើម្បីបំបែកទីផ្សារភាពយន្តនៅចុងឆ្នាំ២០១៧។

ផលិតករវ័យក្មេងខាងលើបានបន្តថា បុរសដែលលោកហៅថាបងធម៌ពេញមាត់ និងបានដាក់ហ៊ុនគ្នាក្នុងការផលិតរឿងនោះមានឈ្មោះថា វីរ៉ា ប៉ុន ជាតារាចម្រៀងមួយរូបប្រចាំផលិតកម្ម JH ផងដែរ។ តែអ្វីដែលនឹកស្មានមិនដល់នោះបងធម៌រូបនេះថែមទាំងមានដើមទុនសហការថតរឿងជាមួយលោករាប់ម៉ឺនដុល្លារថែមទៀត។

“បាទរឿងដែលយើងគ្រោងផលិតជាមួយគ្នា(បងធម៌) ចាយដើមទុនប្រហែល៤ទៅ៥ ម៉ឺនដុល្លារអាមេរិក ។ អូរឿងនេះមានចំណងជើង "វិញ្ញាណចងអាឃាតមីងជា" បាទបន្ទាប់ពីរឿងនេះទៅយើងនៅមានរឿងក្រោយៗទៀតដែលត្រៀមផលិតជាមួយគ្នាបង"។ យូអ៊ីន លើកឡើងដូច្នេះ។

រឿងដែលត្រៀមផលិតជាមួយបងធម៌នាពេលខាងមុខ ជាប្រភេទរឿងខ្មោចភ័យរន្ធត់លាយឡំជាមួយកំប្លែង។ "និយាយចំទៅទោះបីជារឿងនេះជាប្រភេទ រឿងខ្មោចដដែលៗមែន ប៉ុន្តែយើងជឿជាក់ថារឿងនេះជោគជ័យដោយសារតែរឿងមួយនេះជារឿងពិត របស់អ្នកស្រុកដែលគេដំណាលតគ្នាតាំងពី១០ឆ្នាំមុន"។ យូអ៊ីន បញ្ជាក់៕